News November 20, 2024
ప్రపంచాన్ని అంతం చేయగల ‘Dead Hand’?
రష్యాలో పుతిన్ సహా అగ్రనాయకత్వాన్ని పాశ్చాత్య దేశాలు అంతం చేస్తే? అది మొత్తం ప్రపంచానికే ప్రమాదం. ఎందుకంటే రష్యా వద్ద ‘డెడ్ హ్యాండ్’(పెరీమీటర్) అనే వ్యవస్థ ఉంది. మొత్తం బలగాలన్నీ తుడిచిపెట్టుకుపోయినా, అక్కడి అధికారి ఎవరైనా ఒక్కరు యాక్టివేట్ చేస్తే చాలు. రష్యా వద్ద ఉన్న అణ్వాయుధాలు మొత్తం శత్రుదేశాల మీదకు లాంచ్ అవుతాయి. తామే పోయేలా ఉంటే అందరూ పోవాలన్న సూత్రంతో సోవియట్ కాలంలో దీన్ని రూపొందించారు.
Similar News
News December 4, 2024
అమరులైన పోలీస్ కుటుంబాలకు రూ.లక్ష: హోంమంత్రి
AP: విధినిర్వహణలో ప్రమాదవశాత్తు/ఆకస్మికంగా/అనారోగ్యంతో ప్రాణాలు కోల్పోయిన పోలీస్ కుటుంబాలకు అందించే తక్షణ సాయాన్ని కూటమి ప్రభుత్వం మూడు రెట్లు పెంచింది. వారి అంతిమ సంస్కారాల కోసం అందించే రూ.25వేల సాయాన్ని రూ.లక్షకు పెంచుతూ ఉత్తర్వులు జారీ చేసింది. ఈ విషయాన్ని హోంమంత్రి అనిత X వేదికగా వెల్లడించారు.
News December 4, 2024
ఉద్యోగాల్లో రోబోటిక్స్ వినియోగం ఎక్కువగా ఉన్న దేశం ఇదే!
ప్రపంచవ్యాప్తంగా ఉద్యోగాల్లో రోబోల వినియోగం భారీగా పెరుగుతోంది. ముఖ్యంగా దక్షిణ కొరియాలో ఇవి అత్యధిక సంఖ్యలో వినియోగంలో ఉన్నట్లు తెలుస్తోంది. తాజా నివేదిక ప్రకారం ఇక్కడ ప్రతి 10వేల మంది ఉద్యోగులకు 1,102 రోబోలు ఉన్నాయి. 2008 నుంచి పోల్చితే వీటి వినియోగం 5శాతం పెరిగింది. ఈ దేశం రోబోటిక్స్ వైపు మళ్లడంతో పనుల్లో మానవ శ్రమ తగ్గి ఉత్పాదకత పెరిగింది.
News December 4, 2024
‘సీజ్ ద షిప్’ పేరిట మూవీ టైటిల్
ఏపీ డిప్యూటీ సీఎం పవన్ కళ్యాణ్ నోటి వెంట వచ్చిన మాట ఇప్పుడు ఓ సినిమాకు టైటిల్‌గా మారింది. ఇటీవల కాకినాడ పోర్టులో తనిఖీల సందర్భంగా ఆయన ‘సీజ్ ద షిప్’ అనే ఆదేశాలు ఇవ్వడంతో అప్పటినుంచి ఈ వాక్యం వైరలవుతోంది. తాజాగా తెలుగు ఫిల్మ్ ఛాంబర్‌లో ఓ సినీ నిర్మాత రూ.1100 చెల్లించి ‘సీజ్ ద షిప్’ అనే టైటిల్‌ను రిజిస్టర్ చేసుకున్నారు.