News January 28, 2025

DeepSeek పంజా: రాత్రికి రాత్రే రూ.51లక్షల కోట్ల నష్టం

image

చైనీస్ డీప్‌సీక్‌AI పంజాకు గ్లోబల్ టెక్ కంపెనీ, సిలికాన్ వ్యాలీ ముద్దుబిడ్డ Nvidia షేర్లు కుదేలయ్యాయి. రాత్రికి రాత్రే $593 బిలియన్ల మార్కెట్ విలువ హరించుకుపోయింది. ఒక్కరోజులోనే 17% తగ్గింది. భారత కరెన్సీలో ఈ విలువ ఏకంగా రూ.51లక్షల కోట్ల వరకు ఉంటుంది. LSEG డేటా ప్రకారం వాల్‌స్ట్రీట్ చరిత్రలోనే ఇదే రికార్డు ఒకరోజు మార్కెట్ విలువ నష్టం. దీంతో మరికొన్ని రోజులూ టెక్ షేర్లకు నష్టాలు తప్పకపోవచ్చు.

Similar News

News February 13, 2025

మంచి మాట – పద్యబాట

image

కానివాని తోడ గలసి మెలగుచున్న
గానివాని వలెనె కాంతు రతని
తాడి క్రింద బాలు త్రాగిన చందమౌ
విశ్వదాభిరామ వినుర వేమ

భావం: దుష్టులతో కలిసి తిరిగితే మంచివాడిని కూడా ఈ లోకం చెడ్డవాడిగానే పరిగణిస్తుంది. తాటి చెట్టు కింద కూర్చుని పాలు తాగుతున్నా తాటికల్లు తాగుతున్నాడనే అనుకుంటారు కదా.

News February 13, 2025

కేఎల్ రాహులే మాకు ప్రాధాన్యం: గంభీర్

image

ఇంగ్లండ్‌తో వన్డే సిరీస్‌లో కేఎల్ రాహుల్ కీపింగ్‌పై విమర్శలు వచ్చినప్పటికీ కోచ్ గంభీర్ ఆయనకు అండగా నిలిచారు. ‘టీమ్ ఇండియాకు ప్రస్తుతం రాహులే నంబర్ వన్ వికెట్ కీపర్. అతడే మా ప్రాధాన్యం. పంత్‌కు తన అవకాశాలు తనకొస్తాయి. ఇప్పటికైతే ఇద్దరు కీపర్లను ఆడించే పరిస్థితి లేదు’ అని తేల్చిచెప్పారు. పంత్‌తో పోలిస్తే రాహుల్ బ్యాటింగ్ రికార్డులు మెరుగ్గా ఉండటంతో అతడివైపే జట్టు మొగ్గుచూపుతున్నట్లుగా తెలుస్తోంది.

News February 13, 2025

కాంగ్రెస్ ఎన్నికలకు భయపడుతోంది: బండి

image

TG: కులగణనలో లోపాలు, అవకతవకలు జరిగాయని, ఇది బూటకపు సర్వే అని కేంద్ర మంత్రి బండి సంజయ్ అన్నారు. ‘స్థానిక సంస్థల ఎన్నికలను ఎదుర్కోవడానికి కాంగ్రెస్ భయపడుతోంది. కులగణనను పబ్లిసిటీ స్టంట్‌గా వాడుకుంటోంది. ఎన్నికలను ఆలస్యం చేయడానికే రీ-సర్వే డ్రామా. ఆధార్‌ను అనుసంధానిస్తూ ఇంటింటికి వెళ్లి మళ్లీ సర్వే చేయాలి. బీసీ కేటగిరీలో ముస్లింలను చేర్చవద్దు. బీసీ జనాభాను తగ్గించవద్దు’ అని ట్వీట్ చేశారు.

error: Content is protected !!