News August 16, 2024
ఏపీలో విజృంభిస్తున్న డెంగ్యూ ఫీవర్లు
AP: రాష్ట్రంలో వైరల్ ఫీవర్లు ప్రజలను వణికిస్తున్నాయి. పల్లె, పట్టణం అని తేడా లేకుండా ఆస్పత్రులు డెంగ్యూ, ఇతర జ్వర బాధితులతో నిండిపోతున్నాయి. ఇదే అదునుగా ప్రైవేటు ఆస్పత్రులు రోగుల నుంచి డబ్బులు పిండుకుంటున్నాయి. దీంతో వైద్యారోగ్య శాఖ అప్రమత్తమైంది. జిల్లా ఆస్పత్రులు, సర్వజన ఆస్పత్రుల్లో ‘ఎలిసా’ పరీక్షలు నిర్వహించాలని ఆదేశించింది. మందులు అందుబాటులో ఉంచాలని జిల్లా అధికారులకు సూచించింది.
Similar News
News September 15, 2024
19న నూతన మద్యం పాలసీ నోటిఫికేషన్?
AP: ఈ నెల 18న రాష్ట్ర క్యాబినెట్లో కొత్త మద్యం పాలసీపై చర్చించి 19న నోటిఫికేషన్ విడుదల చేసేందుకు ప్రభుత్వం కసరత్తు చేస్తోంది. OCT 1 నుంచి పాలసీని అమలు చేయాలని యోచిస్తోంది. ఆన్లైన్ లాటరీ ద్వారా షాపుల లైసెన్సులు జారీ చేయనుంది. వైసీపీ హయాంలో ప్రభుత్వ పరిధిలో షాపులు ఉండగా, ఇకపై ప్రైవేటు వ్యక్తులకే అప్పగించే అవకాశం ఉంది. తక్కువ ధరకే నాణ్యమైన మద్యం అందిస్తామని CM, మంత్రులు ప్రకటించిన విషయం తెలిసిందే.
News September 15, 2024
IPLలో కలిసి ఆడి టెస్టులో స్లెడ్జింగ్.. షాకయ్యా: ధ్రువ్ జురెల్
IPLలో రాజస్థాన్ రాయల్స్ టీమ్లో కలిసి ఆడిన జో రూట్ టెస్టు మ్యాచ్లో స్లెడ్జింగ్ చేయడంతో షాకయ్యానని ధ్రువ్ జురెల్ చెప్పారు. ఈ ఏడాది రాజ్కోట్ వేదికగా ENGతో జరిగిన టెస్టులో తనకు ఎదురైన చేదు అనుభవాన్ని అతను గుర్తు చేసుకున్నారు. ‘రూట్ అదేపనిగా నన్ను స్లెడ్జింగ్ చేశారు. అతని మాటలు నాకు అర్థం కాలేదు. ఎందుకు ఇలా చేస్తున్నావని అడిగితే మనం ఇప్పుడు దేశం కోసం ఆడుతున్నామని అతను చెప్పారు’ అని పేర్కొన్నారు.
News September 15, 2024
‘మత్తు వదలరా-2’ చూసి చాలా ఎంజాయ్ చేశాం: మహేశ్ బాబు
మత్తు వదలరా-2 మూవీ యూనిట్పై మహేశ్బాబు ప్రశంసలు కురిపించారు. ‘సినిమా చూసి చాలా ఎంజాయ్ చేశాం. సింహా, ఇతర నటీనటుల ఫెర్ఫార్మెన్స్ అద్భుతంగా ఉంది. వెన్నెల కిశోర్ స్క్రీన్పై కనిపించగానే నా కూతురు నవ్వు ఆపుకోలేకపోయింది. సత్యను చూస్తున్నంతసేపూ మేమంతా నవ్వుతూనే ఉన్నాం. మూవీ యూనిట్కు కంగ్రాట్స్’ అని ట్వీట్ చేశారు.