News January 21, 2025
ప్రైవేట్ సంస్థలకు డిపోలు.. ఆర్టీసీ ఉద్యోగుల్లో అలజడి
TG: పలు RTC డిపోలను ప్రైవేట్ సంస్థలకు ఇవ్వడంతో ఉద్యోగుల్లో అలజడి నెలకొంది. అద్దె బస్సులు పెరగడంతో పాటు డ్రైవర్ ఉద్యోగాలకు కోత పడే అవకాశం ఉందని ఆందోళన చెందుతున్నారు. ఎలక్ట్రిక్ బస్సులు సరఫరా చేస్తున్న సంస్థలకు వరంగల్-2, HYD-1 డిపోలను అప్పగించగా, అక్కడి RTC బస్సులు, సిబ్బందిని వేరే డిపోలకు తరలిస్తున్నారు. త్వరలో మరిన్ని డిపోలనూ ఇలాగే అప్పగిస్తారన్న ప్రచారంతో భవిష్యత్తుపై ఉద్యోగులంతా వాపోతున్నారు.
Similar News
News December 7, 2025
హాజీపూర్: ఉద్యోగం వదిలి.. సర్పంచ్ బరిలో
హాజీపూర్ మండలం ర్యాలీ గ్రామానికి చెందిన మనుబోతుల అలేఖ్య సర్పంచ్ ఎన్నికల బరిలో నిలిచారు. హైదరాబాద్లోని HDFC బ్యాంక్లో సేల్స్ డిపార్ట్మెంట్ ఎగ్జిక్యూటివ్గా మంచి ఉద్యోగాన్ని చేస్తున్న ఆమె, గ్రామాన్ని అభివృద్ధి పథంలోకి తీసుకెళ్లాలనే పట్టుదలతో ఆ ఉద్యోగాన్ని వదులుకున్నారు. ప్రస్తుతం గిరిజన గ్రామమైన ర్యాలీ గ్రామ పంచాయితీ సర్పంచ్గా పోటీ చేస్తున్నారు. ఆమె నిర్ణయం గ్రామంలోని యువతకు ఆదర్శంగా నిలిచింది.
News December 7, 2025
ఇవాళ 1,500 సర్వీసులు నడుపుతాం: ఇండిగో
ఇండిగో విమానాల సంక్షోభం ఆరో రోజూ కొనసాగుతోంది. దేశవ్యాప్తంగా పలు ఎయిర్పోర్టుల్లో పదుల సంఖ్యలో సర్వీసులు క్యాన్సిల్ అయ్యాయి. ఒక్క హైదరాబాద్లోనే 100 దాకా రద్దు చేసినట్లు తెలుస్తోంది. దీంతో ప్రయాణికులకు పడిగాపులు తప్పడం లేదు. అయితే ఆదివారం కావడంతో రద్దీ కాస్త తగ్గినట్లు సమాచారం. మరోవైపు 95 శాతం కనెక్టివిటీని పునరుద్ధరించామని ఇండిగో చెబుతోంది. ఇవాళ 1,500 సర్వీసులు నడుపుతామని తెలిపింది.
News December 7, 2025
రబీ నువ్వుల సాగుకు అనువైన రకాలు
☛ ఎలమంచిలి 11(TNN వరాహ): పంట కాలం 80-85 రోజులు. నూనె 52%గా ఉంటుంది. దిగుబడి ఎకరాకు 300-350 కిలోలు. ఇది ముదురు గోధుమ రంగు విత్తనం. కోస్తా, రాయలసీమ జిల్లాలకు ఈ రకం అనుకూలం.
☛ ఎలమంచిలి 17: పంటకాలం 75-80 రోజులు. దిగుబడి ఎకరాకు 340-400 కిలోలు. గింజల్లో నూనె 52.5%గా ఉంటుంది. ఇది లేత గోధుమ రంగు విత్తనం. కోస్తా, రాయలసీమ జిల్లాలకు అనుకూలం. ఆకుమచ్చ తెగులను కొంత వరకు తట్టుకుంటుంది.