News November 30, 2024
మీకు తెలుసా: క్యారమ్స్ ఎక్కడ పుట్టిందంటే…
క్యారమ్స్ గేమ్ గురించి తెలియనివారు చాలా తక్కువగా ఉంటారు. స్నేహితులు, కుటుంబీకులతో ఆడుకునేందుకు అనువైన చక్కటి టైమ్ పాస్ గేమ్ ఇది. ఈ ఆట భారత్‌లోనే పుట్టింది. 20వ శతాబ్దం మొదట్లో రాజకుటుంబాలు ఈ ఆటను ఆడేవి. 1935లో భారత్, శ్రీలంక కలిసి తొలిసారిగా క్యారమ్స్ టోర్నీ నిర్వహించాయి. ఆ తర్వాత 1988లో అంతర్జాతీయ క్యారమ్ ఫెడరేషన్ చెన్నైలో ఏర్పడింది. పటియాలా ప్యాలెస్‌లో నేటికీ అద్దపు క్యారమ్ బోర్డు ఉంది.
Similar News
News December 13, 2024
టూరిస్ట్ డెస్టినేషన్‌గా ఏపీ: పవన్ కళ్యాణ్
AP: రాష్ట్రాన్ని టూరిస్ట్ డెస్టినేషన్‌గా మారుస్తామని డిప్యూటీ సీఎం పవన్ కళ్యాణ్ అన్నారు. స్వర్ణాంధ్ర@2047 విజన్ డాక్యుమెంట్ ఆవిష్కరణ కార్యక్రమంలో ఆయన మాట్లాడారు. ‘సీఎం చంద్రబాబు లాంటి మహోన్నత వ్యక్తి సారథ్యంలో రాష్ట్రం దూసుకెళ్తుంది. గోవా వంటి ఫేమస్ టూరిస్ట్ స్పాట్‌లు నాశనమయ్యాయి. మన రాష్ట్రంలో అనేక పర్యాటక ప్రదేశాలు ఉన్నాయి. వీటిని అభివృద్ధి చేయాలి’ అని ఆయన పేర్కొన్నారు
News December 13, 2024
ప్రభాస్ ‘కల్కి’ మరో ఘనత
పాన్ ఇండియా స్టార్ ప్రభాస్ హీరోగా నాగ్ అశ్విన్ తెరకెక్కించిన ‘కల్కి’ సినిమా మరో ఘనత సాధించింది. ఈ ఏడాది గూగుల్ సెర్చ్‌లో ఎక్కువగా వెతికిన మూవీగా నిలిచింది. ఈ విషయాన్ని గూగుల్ ఇండియా పేర్కొంది. ‘ఆలస్యం అయ్యిందా? కల్కి ప్రతి ఒక్కరి మనసులో నిలిచిపోవడంతో ఈలలు వేయడాన్ని ఆపలేకపోయారు. కల్కి 2024లో అత్యధిక ట్రెండింగ్ అయిన చలన చిత్ర శోధనలో ఒకటిగా నిలిచింది’ అని తెలిపింది.
News December 13, 2024
జడ్జిలు ఫేస్‌బుక్‌లో కామెంట్స్ చేయొద్దు: సుప్రీంకోర్టు
ఫేస్‌బుక్ సహా సోషల్ మీడియాకు జడ్జిలు దూరంగా ఉండాలని సుప్రీంకోర్టు సూచించింది. వారు రుషుల్లా జీవిస్తూ గుర్రాల్లాగా పనిచేయాలని, తీర్పులపై కామెంట్లు చేయొద్దని జస్టిస్‌లు నాగరత్న, కోటీశ్వర్ సింగ్ బెంచ్ పేర్కొంది. అలాచేస్తే భవిష్యత్తు విచారణల్లో ఆ తీర్పులను కోట్ చేయాల్సొస్తే ఇబ్బంది తప్పదని వెల్లడించింది. MP హైకోర్టు ఇద్దరు ప్రొబేషనరీ మహిళా న్యాయాధికారుల టర్మినేషన్ కేసు విచారణలో ఇలా వ్యాఖ్యానించింది.