News November 27, 2024
కారు ప్రమాదంలో డైరెక్టర్ కుమారుడు మృతి
బాలీవుడ్ డైరెక్టర్ అశ్వినీ ధిర్ కుమారుడు జలజ్ ధిర్(18) రోడ్డు ప్రమాదంలో చనిపోయాడు. ఫ్రెండ్స్‌తో కలిసి ఆయన వెళ్తున్న కారు ముంబైలో డివైడర్‌ను ఢీకొట్టింది. ఈప్రమాదంలో జలజ్‌తో పాటు అతడి ఫ్రెండ్ కౌశిక్ మృతి చెందాడు. ప్రమాద సమయంలో జలజ్ మరో ఫ్రెండ్ సాహిల్ మద్యం సేవించి కారు నడిపినట్లు పోలీసులు అనుమానిస్తున్నారు. కాగా అశ్వినీ ధిర్ ‘సన్ ఆఫ్ సర్దార్’ సహా పలు సినిమాలకు దర్శకత్వం వహించారు.
Similar News
News November 27, 2024
‘పుష్ప-2’ అడ్వాన్స్ బుకింగ్స్ ఎప్పటి నుంచంటే?
‘పుష్ప-2’ టికెట్ల అడ్వాన్స్ బుకింగ్స్ కోసం అల్లుఅర్జున్ ఫ్యాన్స్ ఎదురు చూస్తుండగా, ఇంట్రెస్టింగ్ అప్‌డేట్ సినీ వర్గాల్లో చక్కర్లు కొడుతోంది. ఈ నెల 30 లేదా డిసెంబర్ 1న బుకింగ్స్ ఓపెన్ చేయాలని మేకర్స్ నిర్ణయం తీసుకున్నట్లు తెలుస్తోంది. అప్పటి వరకు టికెట్ రేట్ల పెంపు, అదనపు షోల విషయంపై క్లారిటీ వచ్చే అవకాశం ఉంది. ఈ సినిమా ప్రీ సేల్ ఇప్పటికే యూఎస్‌లో మొదలైంది. ‘పుష్ప-2’ డిసెంబర్ 5న విడుదల కానుంది.
News November 27, 2024
‘తనిఖీలు లేకే సోషల్ మీడియాలో వల్గర్ కంటెంట్’
సోషల్ మీడియాలో ‘వల్గర్ కంటెంట్’ నియంత్రణకు కఠిన చట్టాలు అవసరమని కేంద్రమంత్రి అశ్వినీ వైష్ణవ్ అన్నారు. కంటెంట్ సరైందో కాదో తనిఖీ చేసే ఎడిటోరియల్ బృందాలు ఇప్పుడు కనిపించడం లేదన్నారు. ‘భావవ్యక్తీకరణ స్వేచ్ఛకు సోషల్ మీడియా ఓవైపు బలమైన మాధ్యమంగా మారింది. మరోవైపు నియంత్రణ లేక వల్గర్ కంటెంట్ వస్తోంది. ఇతర దేశాలతో పోలిస్తే మన సంస్కృతి చాలా భిన్నమైంది, సున్నితమైంది. PSCలు దీనిపై చర్చించాలి’ అని అన్నారు.
News November 27, 2024
భారత్‌పై ప్రధానికి ఉన్న ప్రేమ స్ఫూర్తిదాయకం: పవన్ కళ్యాణ్
AP: తనను కలిసేందుకు సమయం కేటాయించినందుకు PM మోదీకి రాష్ట్ర ఉప ముఖ్యమంత్రి పవన్ కళ్యాణ్ ట్విటర్‌లో కృతజ్ఞతలు తెలిపారు. ‘పార్లమెంట్ సెషన్లతో బిజీగా ఉన్నా నాకు సమయం కేటాయించిన ప్రధానికి కృతజ్ఞతలు. గాంధీనగర్‌లో తొలిసారి భేటీ నుంచి ఇప్పటి వరకు కలిసిన ప్రతిసారీ ఆయనపై అభిమానం మరింత పెరుగుతుంటుంది. భారత్ పట్ల ఆయనకున్న ప్రేమ, నిబద్ధత స్ఫూర్తిదాయకం. థాంక్యూ సర్’ అని పేర్కొన్నారు.