News May 18, 2024

8న HYDలో చేప ప్రసాదం పంపిణీ

TG: మృగశిర కార్తె సందర్భంగా HYDలోని ఎగ్జిబిషన్ గ్రౌండ్‌లో వచ్చే నెల 8న ఆస్తమా రోగులకు చేప ప్రసాదం పంపిణీ చేయనున్నట్లు బత్తిని కుటుంబసభ్యులు తెలిపారు. పలు రాష్ట్రాల నుంచి లక్షలాది మంది వచ్చే అవకాశం ఉండటంతో పటిష్ఠ ఏర్పాట్లు చేస్తున్నామన్నారు. చేపతో ప్రసాదం మింగడం ఇష్టం లేనివారికి బెల్లంతో అందజేస్తారు. ఈ ప్రసాదం స్వీకరించడానికి ముందు రెండు గంటలు, తర్వాత గంట సేపు ఎలాంటి ఆహారం, నీళ్లు తీసుకోరాదు.