News August 9, 2024
రేవంత్ పర్యటనపై BRS దుష్ప్రచారాన్ని నమ్మొద్దు: CMO
TG: సీఎం రేవంత్ రెడ్డి అమెరికా పర్యటనలో ఎలాంటి మార్పు లేదని సీఎంఓ స్పష్టం చేసింది. సీఎం తన పర్యటనను అర్ధాంతరంగా రద్దు చేసుకున్నారంటూ బీఆర్ఎస్ చేస్తున్న దుష్ప్రచారాన్ని ఎవరూ నమ్మొద్దని కోరింది. ఫేక్ వార్తలు ప్రచారం చేస్తూ ప్రజలు, మీడియాను గందరగోళానికి గురి చేస్తోందని పేర్కొంది. షెడ్యూల్ ప్రకారమే రేవంత్ టూర్ కొనసాగుతోందని, ఆ తర్వాతే ఆయన రాష్ట్రానికి తిరిగొస్తారని తెలిపింది.
Similar News
News December 11, 2025
BREAKING: పోలింగ్ ప్రారంభం
TG: రాష్ట్రంలో తొలి విడత పంచాయతీ ఎన్నికల పోలింగ్ ప్రారంభమైంది. 37,562 కేంద్రాల్లో 56.19 లక్షల మంది ఓటు హక్కును వినియోగించుకోనున్నారు. 3,834 సర్పంచ్ స్థానాల్లో 12,960 మంది, 27,628 వార్డుల్లో 65,455 మంది అభ్యర్థుల భవితవ్యాన్ని ఓటర్లు తేల్చనున్నారు. మధ్యాహ్నం ఒంటి గంట వరకు పోలింగ్ కొనసాగనుంది. 2PM నుంచి ఓట్లు లెక్కించి విజేతలను ప్రకటిస్తారు. ఇవాళే ఉప సర్పంచ్ ఎన్నిక కూడా ఉంటుంది.
News December 11, 2025
పెరిగిన చలి.. కోళ్ల సంరక్షణలో జాగ్రత్తలు(1/2)
ప్రస్తుతం రాత్రి వేళ కనిష్ఠ ఉష్ణోగ్రతలు నమోదవుతున్న తరుణంలో కోళ్ల పెంపకందారులు ప్రత్యేక జాగ్రత్తలు తీసుకోవాలి. చలికాలంలో కోళ్లఫామ్ల గదుల్లో తేమ ఎక్కువగా ఉండి శిలీంద్రాలు పెరిగే ఛాన్సుంది. దీని వల్ల ఊపిరితిత్తులకు సంబంధించిన వ్యాధులు కోళ్లకు సోకి, అవి మరణించే ప్రమాదం ఉంటుంది. అందుకే కోళ్లకు వెచ్చదనం ఉండేలా షెడ్డు చుట్టూ పరదాలు అమర్చాలి. ఇదే సమయంలో గాలి ప్రసరణ షెడ్లోకి సరిగా ఉండేలా చూసుకోవాలి.
News December 11, 2025
ఇతిహాసాలు క్విజ్ – 93
ఈరోజు ప్రశ్న: ‘ఏమంటివి? ఏమంటివి ? జాతి నెపమున సూత సుతునకిందు నిలువ అర్హత లేదందువా! ఎంత మాట? ఎంత మాట? ఇది క్షాత్ర పరీక్షయే కాని క్షత్రియ పరీక్ష కాదే? కాదు, కాకూడదు, ఇది కులపరీక్షయే అందువా ! నీ తండ్రి భరద్వాజుని జననమెట్టిది?’ ఈ మాటలు ఎవరు ఎవరితో అంటారు?
☛ పై ప్రశ్నకు జవాబును సాయంత్రం ఆరు గంటలకు పబ్లిష్ చేస్తాం. ☛ మీకు సమాధానం తెలిస్తే కామెంట్ రూపంలో తెలియజేయండి. <<-se>>#Ithihasaluquiz<<>>