News November 28, 2024
బ్లాక్‌మెయిల్ చేసే వారికి భ‌య‌ప‌డొద్దు: TG పోలీస్
ప్రేమ, పెళ్లి పేరుతో బ్లాక్‌మెయిల్ చేసే వారికి భయపడొద్దని తెలంగాణ పోలీసులు సూచించారు. మార్ఫింగ్ ఫొటోలు, వీడియోల‌తో బెదిరించే వారిపై ధైర్యంగా ఫిర్యాదు చేయాలని సోషల్ మీడియా వేదికగా యువతులకు అవగాహన కల్పిస్తున్నారు. బాధితుల‌కు తాము అండ‌గా ఉంటామని, వారి వివ‌రాలు ఎక్క‌డా బ‌హిర్గ‌తం అవ‌కుండా జాగ్ర‌త్త తీసుకుంటామని తెలిపారు. 100కు డయల్ చేసి ఫిర్యాదు చేయాలన్నారు.
Similar News
News December 9, 2024
మీకో చట్టం.. ప్రతిపక్షానికి మరో చట్టమా?: అంబటి
AP: రాష్ట్రంలో అధికార పక్షానికి ఓ చట్టం, ప్రతిపక్షాలకు మరో చట్టం అమలవుతోందని మాజీ మంత్రి అంబటి రాంబాబు మండిపడ్డారు. సోషల్ మీడియాలో అసభ్యకర పోస్టులు పెట్టారని YCP నాయకులపై తప్పుడు కేసులు పెడుతున్నారని ఆరోపించారు. మాజీ CM జగన్, ఆయన సతీమణి, మాజీ మంత్రులపై టీడీపీ వాళ్లు పోస్టులు పెడుతుంటే ఎందుకు చర్యలు తీసుకోవడం లేదని ప్రశ్నించారు. పోలీసులు తమ ఫిర్యాదులకు స్పందించడం లేదని, ప్రజలు గమనించాలని కోరారు.
News December 9, 2024
రోహిత్ ఓపెనర్‌గా వచ్చి ఉంటే?
అడిలైడ్ టెస్టులో టీమ్‌ఇండియా ఘోర ఓటమి చవిచూసిన విషయం తెలిసిందే. తొలి టెస్టుకు దూరమైన కెప్టెన్ రోహిత్ రెండో టెస్టుకు అందుబాటులో ఉన్నా, ఓపెనింగ్ చేయలేదు. ఆ స్థానాన్ని రాహుల్‌కు ఇచ్చారు. లోయర్ ఆర్డర్‌లో బ్యాటింగ్ చేసిన రోహిత్ తొలి ఇన్సింగ్స్‌లో 3పరుగులు, రెండో ఇన్సింగ్స్‌లో 6పరుగులు చేసి ఔటయ్యారు. ఎప్పటి లాగే ఓపెనింగ్ చేసి ఉంటే ఫలితం మరోలా ఉండేదని క్రికెట్ విశ్లేషకులు అంటున్నారు. దీనిపై మీ కామెంట్.
News December 9, 2024
చెక్‌పై అమౌంట్ పక్కన ‘Only’ ఎందుకు రాస్తారు?
ఈ డౌట్ మీకు వచ్చిందా? ఉదాహరణకు చెక్‌పై రూ.1,00,000 ఇలా రాసిన తర్వాత ONE Lakh Rupees Only రాయడం గమనించే ఉంటారు. చెక్‌ ట్యాంపర్ అవ్వకుండా, మనం రాసిన అమౌంట్ పక్కన నంబర్లు చేర్చకుండా ఉండేందుకు ఓన్లీ అని రాయడం ముఖ్యం. పదాలలో రాసి చివర ఓన్లీ అని రాయడం వల్ల సంఖ్యను మార్చినా, పదాలను ఛేంజ్ చేయలేదు. ఒకవేళ కొట్టేసి రాసినా అలాంటి చెక్కులను బ్యాంకులు అంగీకరించవు. మోసాలను నివారించడానికి Only మస్ట్.