News May 18, 2024
‘నా మాజీ భర్త ప్రస్తావన తీసుకురావొద్దు’.. రేణూ దేశాయ్ ఫైర్
సోషల్ మీడియాలో తాను పెట్టే ప్రతీ పోస్టు విషయంలో తన మాజీ భర్తతో నన్ను ఎందుకు పోలుస్తారని రేణూదేశాయ్ ఫైరయ్యారు. జంతు సంరక్షణ కోసం ఆమె విరాళాలు సేకరించగా.. ‘మా పవన్ అన్నయ్యలా గోల్డెన్ హార్ట్’ అని ఓ నెటిజన్ ఆ పోస్టుపై కామెంట్ చేశాడు. ‘పదేళ్లుగా జంతు సంరక్షణ కోసం సాయం చేస్తున్నా. దానికి నా మాజీ భర్తతో సంబంధం లేదు. నా పనుల గురించి పోస్ట్ పెడితే.. ఆయన ప్రస్తావన తెస్తూ కామెంట్ చేయకండి’ అని ఆమె కోరారు.
Similar News
News December 2, 2024
శిండేకు అనారోగ్యం.. ఢిల్లీకి అజిత్ పవార్
మ‌హారాష్ట్ర ఎన్నికల ఫలితాలు వెలువడి 10 రోజులు గడుస్తున్నా మహాయుతిలో పదవుల పంపకం కొలిక్కిరావడం లేదు. కీలక శాఖల కోసం శివసేన, NCP పట్టుబడుతున్నాయి. శాఖల కేటాయింపు తేలకపోవడంతోనే CM అభ్యర్థి ప్రకటనను బీజేపీ వాయిదా వేస్తోంది. దీనిపై సోమవారం జ‌ర‌గాల్సిన మ‌హాయుతి నేత‌ల స‌మావేశం శిండే అనారోగ్యం వ‌ల్ల వాయిదా ప‌డినట్టు తెలిసింది. మరోవైపు కోరిన శాఖల్ని దక్కించుకొనేందుకు అజిత్ పవార్ మళ్లీ ఢిల్లీకి పయనమయ్యారు.
News December 2, 2024
మోస్ట్ డిజాస్టర్ మూవీగా ‘కంగువ’!
తమిళ స్టార్ నటుడు సూర్య నటించిన పీరియాడికల్ యాక్షన్ చిత్రం ‘కంగువ’ థియేట్రికల్ రన్ పూర్తయినట్లు సినీవర్గాలు పేర్కొన్నాయి. నెగటివ్ టాక్ తెచ్చుకోవడంతో ఈ భారీ బడ్జెట్ చిత్రం రూ.130 కోట్ల నష్టంతో ఆల్‌టైమ్ డిజాస్టర్‌గా నిలిచినట్లు వెల్లడించాయి. ఇప్పటివరకు ప్రభాస్ నటించిన ‘రాధేశ్యామ్’ సినిమా పేరిట ఈ చెత్త రికార్డు ఉండేది. ఈ మూవీ రూ.120 కోట్లు నష్టపోయింది. కాగా మరికొన్ని రోజుల్లో ‘కంగువ’ OTTలోకి రానుంది.
News December 2, 2024
ఉద్యోగుల అంత్యక్రియల ఛార్జీలు పెంపు
TG: ప్రభుత్వ ఉద్యోగి మరణిస్తే ఇచ్చే అంత్యక్రియల ఛార్జీలను రాష్ట్ర ప్రభుత్వం పెంచింది. ఖర్చును రూ.20 వేల నుంచి రూ.30వేలకు పెంచుతూ ఉత్తర్వులు జారీ చేసింది. మొదటి వేతన సవరణ కమిషన్ సిఫార్సుల మేరకు ఈ నిర్ణయం తీసుకుంది.