News September 22, 2024
పరీక్షల ముందు కంగారు పడవద్దు
పరీక్షల సందర్భంగా విద్యార్థులు చ‌దివింది కంగారులో మ‌ర్చిపోకుండా ఉండేందుకు ప్రిప‌రేష‌న్ మూడ్ నుంచి ఎగ్జామ్ మూడ్‌లోకి మారాలి. స్కోరింగ్ టాపిక్స్‌పై అధికంగా దృష్టిసారించాలి. విభిన్న కోణాల్లో ప్ర‌శ్న‌ల‌కు జ‌వాబులు ఇవ్వ‌డం, లాజిక‌ల్‌గా స‌మాధానాలు ఇచ్చేందుకు లాంగ్ ఫార్మాట్‌లో రాయ‌డం ప్రాక్టీస్ చేయాలి. సోష‌ల్ మీడియాపై ధ్యాస త‌గ్గించి త‌గిన విశ్రాంతి తీసుకొనేలా ప్లాన్ చేసుకోవాల‌ని నిపుణులు సూచిస్తున్నారు.
Similar News
News October 13, 2024
మద్యంపై అదనపు ప్రివిలేజ్ ఫీజు విధింపు
AP: భారత్‌లో తయారయ్యే విదేశీ మద్యం ధరకు సంబంధించి అదనపు ప్రివిలేజ్ ఫీజు విధిస్తూ రాష్ట్ర ప్రభుత్వం ఉత్తర్వులు జారీ చేసింది. ఈ ఫీజు కింద MRPలో చిల్లర కాకుండా తదుపరి పది రూపాయలకు రౌండాఫ్ చేసింది. MRP ₹160.50గా ఉంటే దాన్ని ₹170కి పెంచేలా ఫీజు ఉంటుంది. ప్రభుత్వం క్వార్టర్ బాటిల్ ధర ₹99కే నిర్ధారించడంతో రూ.100లో రూ.1 మినహాయించి విక్రయిస్తారని ఎక్సైజ్ శాఖ ముఖ్య కార్యదర్శి ముకేశ్ కుమార్ మీనా తెలిపారు.
News October 13, 2024
బద్రీనాథ్, కేదార్‌నాథ్ ఆలయాలు మూతపడేది ఎప్పుడంటే?
శీతాకాలం ప్రారంభం అవుతుండటంతో ఉత్తరాఖండ్‌లోని బద్రీనాథ్, కేదార్‌నాథ్ ఆలయాల మూసివేత తేదీలను ఆలయ కమిటీ ప్రకటించింది. NOV 17న బద్రీనాథ్, కేదార్‌నాథ్, నవంబర్ 3న యమునోత్రి, గంగోత్రి ఆలయ తలుపులను మూసివేయనున్నారు. అలాగే రుద్రనాథ్ ప్రవేశద్వారాలు ఈ నెల 17న క్లోజ్ చేస్తారు. ఈ ఏడాది బద్రీనాథ్‌ను 11 లక్షల మంది, కేదార్‌నాథ్‌ను 13.5 లక్షల మంది దర్శించుకున్నారు. శీతాకాలంలో ఈ ఆలయాలు మంచుతో కప్పబడి ఉంటాయి.
News October 13, 2024
దసరా వేడుకల్లో విషాదం
AP: కోనసీమ, కడప జిల్లాల్లో దసరా ఉత్సవాల్లో అపశ్రుతి చోటు చేసుకుంది. కోనసీమ జిల్లా అమలాపురం మండలం కొంకాపల్లిలో డీజే సౌండ్‌కు వినయ్ అనే యువకుడు డాన్స్ చేస్తూ కుప్పకూలిపోయాడు. ఆసుపత్రికి తరలించే క్రమంలో మరణించాడు. మరోవైపు కడపలోని బెల్లంబండి వీధిలో దసరా ఊరేగింపులో పందిరి పైభాగానికి విద్యుత్ తీగలు తగిలాయి. షాక్‌తో ఓ వ్యక్తి ప్రాణాలు కోల్పోయాడు. మరో ఇద్దరు గాయపడ్డారు.