News July 29, 2024
IAS కావాలనే కలలు సమాధి అయ్యాయి: తాన్యా తండ్రి
ఢిల్లీలో సివిల్స్ <<13724979>>కోచింగ్<<>> కోసం వెళ్లిన తన కూతురు తాన్యా సోని వరదల్లో ప్రాణాలు కోల్పోవడంతో ఆమె తండ్రి విజయ్ కుమార్ విషాదంలో మునిగిపోయారు. విజయ్ తెలంగాణలోని శ్రీరాంపూర్ సింగరేణి భూగర్భ గనిలో మేనేజర్. ‘తాన్యా నా పెద్ద కూతురు. ఐఏఎస్ అవ్వాలని ఎన్నో కలలు కనేది. రోజూ ఫోన్ చేసి ఆ రోజు ఏం చదివిందో చెప్పేది. నా బిడ్డ లేదని తెలిసి నాకు మాటలు రావట్లేదు’ అని కన్నీరు పెట్టుకున్నారు.
Similar News
News October 4, 2024
తెలంగాణలో మరో 2 IIITలు?
TG: బాసరలోని RGUKTకి అనుబంధంగా మరో రెండు IIITలను ప్రారంభించడానికి ప్రభుత్వం కసరత్తు చేస్తోంది. వచ్చే విద్యాసంవత్సరం నుంచి అందుబాటులోకి తీసుకురావాలని భావిస్తోంది. ఒకటి ఉమ్మడి మహబూబ్‌నగర్‌లో, మరొకటి ఖమ్మం లేదా నల్గొండ జిల్లాలో ఏర్పాటుచేయొచ్చని సమాచారం. ఒక్కోదానికి 100 ఎకరాల భూమి, రూ.500 కోట్లు ఖర్చవుతుందని అంచనా. ఇంజినీరింగ్‌తోపాటు మల్టీ డిసిప్లినరీ కోర్సులు ప్రవేశపెట్టనున్నారు.
News October 4, 2024
నేడు తిరుమలకు సీఎం చంద్రబాబు
AP: శ్రీవారి బ్రహ్మోత్సవాల్లో పాల్గొనేందుకు సీఎం చంద్రబాబు నేడు తిరుమల వెళ్లనున్నారు. సాయంత్రం 6.20 గంటలకు ఆయన తిరుమల చేరుకుంటారు. స్వామివారికి ప్రభుత్వం తరఫున సీఎం దంపతులు పట్టువస్త్రాలు సమర్పిస్తారు. అనంతరం పెద్దశేష వాహన సేవలో పాల్గొంటారు. రాత్రికి తిరుమలలోనే బస చేస్తారు. రేపు టీటీడీ డైరీ, క్యాలెండర్‌ను ఆవిష్కరించి, వకుళమాత వంటశాలను ప్రారంభిస్తారు.
News October 4, 2024
పెళ్లి చేసుకున్న స్టార్ క్రికెటర్
అఫ్గానిస్థాన్ క్రికెటర్ రషీద్ ఖాన్ వివాహం చేసుకున్నారు. కాబుల్‌లో జరిగిన ఆయన పెళ్లి వేడుకకు అఫ్గాన్ క్రికెటర్లతో పాటు ఇతర ప్రముఖులు హాజరయ్యారు. తమ జట్టు వరల్డ్ కప్ గెలిచే వరకూ తాను మ్యారేజ్ చేసుకోనని రషీద్ చెప్పినట్లు అప్పట్లో ప్రచారం జరిగింది. దీనిని ఆయన గతంలోనే ఖండించారు. ఇప్పటివరకు AFG తరఫున అన్ని ఫార్మాట్లలో కలిపి 203 మ్యాచులు ఆడిన ఈ ఆల్‌రౌండర్ మొత్తం 376 వికెట్లు, 6706 రన్స్ సాధించారు.