News May 5, 2024

సజ్జల భార్గవ్‌పై సీఐడీ విచారణకు ఈసీ ఆదేశం

AP: వైసీపీ సోషల్ మీడియా ఇన్‌ఛార్జి సజ్జల భార్గవరెడ్డిపై సీఐడీ విచారణకు ఈసీ ఆదేశించింది. పింఛన్ల పంపిణీ వ్యవహారంలో టీడీపీపై సోషల్ మీడియాలో తప్పుడు ప్రచారం చేశారని ఆ పార్టీ నేత వర్ల రామయ్య ఈసీకి ఫిర్యాదు చేశారు. ఇంటింటికి పింఛన్లు అందకపోవడానికి చంద్రబాబే కారణమని ఐవీఆర్ఎస్ ద్వారా ఓటర్లు, పింఛనుదారులను తప్పుదోవ పట్టించారని పేర్కొన్నారు. ఈ ఫిర్యాదును పరిగణనలోకి తీసుకున్న ఈసీ.. విచారణకు ఆదేశించింది.