News June 29, 2024
TTD సేవలకు ఆధార్ లింక్‌పై పరిశీలించాలన్న ఈవో
AP: తిరుమల శ్రీవారి దర్శనం, ఆర్జిత సేవలు, గదుల బుకింగ్‌లను ఆన్‌లైన్‌లో నిర్వహిస్తున్నప్పటికీ దళారుల బెడద తప్పడం లేదని ఈవో శ్యామలరావు చెప్పారు. వారిని నియంత్రించడానికి టీటీడీ సేవలకు ఆధార్ లింక్ చేసేందుకు సాధ్యాసాధ్యాలను పరిశీలించాలని అధికారులను ఆదేశించారు. ఆధార్‌తో భక్తుల గుర్తింపు, బయోమెట్రిక్ వెరిఫికేషన్ ఎలా చేయాలి? ఆధార్ డూప్లికేషన్ ఎలా నిరోధించాలనే అంశాలపై ఆయన ఇవాళ చర్చించారు.
Similar News
News November 29, 2025
నేడు భారీ వర్షాలు: APSDMA
AP: ‘దిత్వా’ తుఫాను ప్రభావంతో ఇవాళ చిత్తూరు, తిరుపతి, ప్రకాశం, నెల్లూరు, కడప, అన్నమయ్య జిల్లాల్లో మోస్తరు నుంచి భారీ వర్షాలు కురిసే అవకాశం ఉందని APSDMA అంచనా వేసింది. బాపట్ల, పల్నాడు, కర్నూలు, నంద్యాల, అనంతపురం, శ్రీసత్యసాయి జిల్లాల్లో మోస్తరు వర్షాలకు ఛాన్స్ ఉన్నట్లు వివరించింది. ఆయా జిల్లాల్లోని ప్రజలు అప్రమత్తంగా ఉండాలని, రైతులు తగిన జాగ్రత్తలు తీసుకోవాలని సూచించింది.
News November 29, 2025
పాలకు మంచి ధర ఎలా వస్తుంది?
సాధారణంగా పాలలో కొవ్వు, SNF(Solids Not Fat) ఆధారంగా ధరను నిర్ణయిస్తారు. ఇవి రెండూ ఎంత ఎక్కువగా ఉంటే పాలకు అంత ఎక్కువ ధర వస్తుంది. మనం ఎంచుకున్న పశువు బ్రీడ్ బట్టి ఇది ఆధారపడి ఉంటుంది. ఎక్కువ పాల దిగుబడినిచ్చే హోలిస్టిన్ ఫ్రీజియన్‌ పాలలో కొవ్వు 3.5%-3.7% మధ్యలో ఉంటుంది. అందుకే ఈ పాలకు ధర తక్కువ వస్తుంది. అదే జెర్సీ ఆవులు తక్కువ పాలిచ్చినా, ఫ్యాట్ 4-4.5గా ఉండటం వల్ల ఈ పాలకు మంచి ధర వస్తుంది.
News November 29, 2025
ఈ పంచ మంగళ్యాలే సుమంగళి చిహ్నాలు
నుదుట కుంకుమ, మెడలో పసుపు తాడు, తలలో పువ్వులు, చేతులకు గాజులు, కాళ్లకు మెట్టెలు.. ఈ ఐదింటిని పంచ మంగళ్యాలు అని అంటారు. వివాహమైన స్త్రీలు ఈ ఐదింటిని కచ్చితంగా ధరించాలని మన శాస్త్రాలు చెబుతున్నాయి. ఇవి భర్త దీర్ఘాయుష్షును, సౌభాగ్యాన్ని సూచిస్తాయి. భార్య ఈ ఐదింటినీ ధరిస్తే.. ఆ ఇంట్లో లక్ష్మీ కటాక్షం ఉంటుందని, సకల శుభాలు కలుగుతాయని, సానుకూల శక్తి ప్రవహిస్తుందని నమ్మకం. SHARE IT