News November 5, 2024
పంత్‌కు రూ.50 కోట్లు ఇచ్చినా తక్కువే: పాక్ మాజీ క్రికెటర్
IPL మెగా వేలంలో టీమ్ ఇండియా క్రికెటర్ రిషభ్ పంత్ రూ.కోట్లు కొల్లగొడతారని పాక్ మాజీ క్రికెటర్ బాసిత్ అలీ జోస్యం చెప్పారు. అతడికి రూ.25 కోట్లు కాదు.. 50 కోట్లు ఇచ్చినా తక్కువే అవుతుందని అభిప్రాయపడ్డారు. ‘పంత్ షాట్ల ఎంపికలో తెలివైనవాడు. బలహీనంగా ఉన్న ప్రాంతాల్లో ఆడకూడదని ఆయనకు తెలుసు. న్యూజిలాండ్‌తో సిరీస్‌లో మరే భారత బ్యాటర్ అతడిలా ఆడలేకపోయారు. నా దృష్టిలో అతడో ఛాంపియన్ ’ అని ఆయన వ్యాఖ్యానించారు.
Similar News
News December 5, 2024
ఏపీలోనూ ఒక పాకిస్థాన్ ఉందని తెలుసా?
AP: రాష్ట్రంలోని విజయవాడలో పాకిస్థాన్ పేరుతో ఓ కాలనీ ఉంది. 1971లో పాకిస్థాన్‌తో జరిగిన యుద్ధంలో భారత్ విజయం సాధించింది. అదే సమయంలో పాక్, బంగ్లాదేశ్ విడిపోవడంతో ఇరు దేశాల సరిహద్దుల్లోని అనేక కుటుంబాలు నిరాశ్రయులు కావడంతో అప్పటి ప్రధాని దేశంలోని వివిధ ప్రాంతాల్లో వారికి ఆశ్రయం కల్పించారు. 1984లో నగరంలోని పాయకాపురం ప్రాంతంలో 40 ఇళ్లతో ఓ కాలనీ ఏర్పాటైంది. దానికి పాకిస్థాన్ కాలనీగా నామకరణం చేశారు.
News December 5, 2024
BCCI కార్యదర్శి రేసులో ఉన్నది వీరేనా?
ICC ఛైర్మన్‌గా జై షా బాధ్యతలు తీసుకోవడంతో BCCI కార్యదర్శి పదవి ఖాళీగా ఉంది. ప్రస్తుతం ఈ పదవి ఎవరికి దక్కుతుందనేదానిపై చర్చ జరుగుతోంది. ఈ పోస్టు కోసం కొందరు పోటీలో ఉన్నారు. గుజరాత్ క్రికెట్ సంఘం కార్యదర్శి అనిల్ పటేల్, BCCI సంయుక్త కార్యదర్శి దేవ్‌జిత్ సైకియా, ఢిల్లీ క్రికెట్ సంఘం అధ్యక్షుడు రోహన్ జైట్లీ, BCCI కోశాధికారి ఆశిష్ షెలార్ రేసులో ఉన్నారు. మరి వీరిలో ఎవరిని ఆ పదవి వరిస్తుందో చూడాలి.
News December 5, 2024
ఈ నెలలోనే క్యాబినెట్ విస్తరణ?
TG: రాష్ట్ర మంత్రి వర్గ విస్తరణ ఈ నెలలోనే ఉంటుందని తెలుస్తోంది. ఇందుకు సంబంధించి AICC కూడా గ్రీన్ సిగ్నల్ ఇచ్చినట్లు సమాచారం. త్వరలో TPCC ముఖ్య నేతలను ఢిల్లీకి పిలిపించి మంత్రివర్గ సభ్యుల పేర్లను కాంగ్రెస్ అధిష్ఠానం ఖరారు చేస్తుందని వార్తలు వస్తున్నాయి. క్యాబినెట్‌లో 6 ఖాళీలు ఉండగా తీవ్ర పోటీ నెలకొంది. చాలా మంది MLAలు ఆశలు పెట్టుకున్నారు. టీపీసీసీ నూతన కార్యవర్గం కూడా ఏర్పాటవుతుందని తెలుస్తోంది.