News September 7, 2024
‘ఉగ్ర’పోరులో కాలు తెగినా.. ‘ఒలింపిక్’ పతకం గెలిచాడు
పారిస్ పారాలింపిక్స్‌లో నాగాలాండ్ నుంచి పాల్గొన్న ఏకైక అథ్లెట్ హొకాటో సీమా షాట్ పుట్‌లో కాంస్య పతకం సాధించారు. ఇతని జీవిత కథ ఎంతో స్ఫూర్తినిస్తోంది. 18ఏళ్లకే ఆర్మీలో చేరిన హొకాటో యాంటీ టెర్రరిస్ట్ ఆపరేషన్లలో పాల్గొన్నారు. 2002లో ల్యాండ్‌మైన్ బ్లాస్ట్‌లో ఓ కాలు తెగిపోయింది. అయినా నిరుత్సాహపడకుండా క్రీడలపై దృష్టిసారించి పతకాలు సాధిస్తున్నారు. ఇతను రియల్ వారియర్ అని నెటిజన్లు కొనియాడుతున్నారు.
Similar News
News October 13, 2024
అందుకే సినిమాలు తగ్గించాను: దుల్కర్ సల్మాన్
సినిమాలకు విరామం ఇవ్వడానికి గల కారణాన్ని హీరో దుల్కర్ సల్మాన్ ఓ ఇంటర్వ్యూలో వెల్లడించారు. ‘గత రెండేళ్ల నుంచి సినిమాలు తగ్గించాను. గతేడాది ఒక్క సినిమానే చేశా. అది నా తప్పే. అంతకుముందు చెప్పుకోదగ్గ సినిమాలు నా నుంచి రాకవపోడమే ఇందుకు ఓ కారణం. నా ఆరోగ్యం కూడా అంతగా బాలేదు. దీంతో కాస్త విరామం తీసుకున్నా’ అని వెల్లడించారు. కాగా ఆయన నటించిన ‘లక్కీ భాస్కర్’ చిత్రం అక్టోబర్ 31న రిలీజ్ కానుంది.
News October 13, 2024
హెజ్బొల్లాతో ఘర్షణ.. 30 మంది ఇజ్రాయెల్ సైనికులు మృతి
లెబనాన్‌లోని హెజ్బొల్లాతో ప్రత్యక్ష యుద్ధానికి దిగిన ఇజ్రాయెల్‌కు భారీ షాక్ తగిలింది. సౌత్ లెబనాన్‌లో హెజ్బొల్లాతో జరిగిన భీకర ఘర్షణల్లో 30 మంది ఇజ్రాయెల్ సైనికులు మరణించారు. దీంతో ఇజ్రాయెల్-లెబనాన్ బోర్డర్‌లో ఉద్రిక్తతలు తీవ్రస్థాయికి చేరాయి.
News October 13, 2024
ఇసుక ధరలు 2-3 రెట్లు ఎందుకు పెరిగాయి?: జగన్
AP: భరించలేని ఇసుక రేట్లతో ప్రజలు అష్టకష్టాలు పడుతున్నారని మాజీ సీఎం జగన్ విమర్శించారు. ‘మా ప్రభుత్వంలో రాష్ట్ర ఖజానాకు కనీసం డబ్బులైనా వచ్చేవి, ఇప్పుడు అది కూడా లేదు. పేరుకే ఉచితం కానీ వ్యవహారం అంతా చంద్రబాబు, ఆయన ముఠా మీదుగా నడుస్తోంది. మేము టన్ను ఇసుక రూ.475కు సరఫరా చేశాం. ఇందులో నేరుగా రూ.375 ఖజానాకు వచ్చేవి. మా హయాంలో కన్నా రేట్లు 2-3 రెట్లు ఎందుకు పెరిగాయి?’ అని జగన్ ట్వీట్ చేశారు.