News April 12, 2024
సాయంత్రం వ్యాయామం చేస్తున్నారా?
సాయంత్రం వేళ వ్యాయామం చేస్తే ఆరోగ్యానికి మంచిదని సిడ్నీ వర్సిటీ పరిశోధకుల స్టడీలో వెల్లడైంది. మధుమేహం, ఊబకాయంతో బాధపడేవారు సాయంత్రం వ్యాయామం చేస్తే చాలా మేలు కలుగుతుందని తేలింది. సా.6 నుంచి అర్ధరాత్రి మధ్య శారీరక శ్రమ చేసే వారికి అకాల మరణ ముప్పు, గుండె జబ్బులు తగ్గుతాయని పరిశోధకులు పేర్కొన్నారు. నడవడం, పరిగెత్తడం, మెట్లు ఎక్కడం, ఇల్లు క్లీన్ చేయడం వంటివి చేసినా ప్రయోజనం ఉంటుందని చెబుతున్నారు.
Similar News
News March 26, 2025
ప్రజలకు ప్రభుత్వం ‘ఉగాది కానుక’
TG: రేషన్‌కార్డు ఉన్నవారికి సన్నబియ్యం పంపిణీకి ముహూర్తం ఖరారైంది. ఉగాది పండగ రోజు సాయంత్రం 6 గంటలకు సీఎం రేవంత్ రెడ్డి హుజూర్‌నగర్‌లో లాంఛనంగా ఈ పథకాన్ని ప్రారంభిస్తారు. ఆ మరుసటి రోజు అంటే ఏప్రిల్ 1 నుంచి రాష్ట్రవ్యాప్తంగా అన్ని రేషన్ దుకాణాల్లో సన్నబియ్యం పంపిణీ చేస్తారు. దీనివల్ల 2.82 కోట్ల మంది ప్రయోజనం చేకూరనుంది. రేషన్ షాపుల్లో ప్రస్తుతం దొడ్డు బియ్యం సరఫరా చేస్తున్న విషయం తెలిసిందే.
News March 26, 2025
సొంత పార్టీ నేతలపై రాజాసింగ్ మరోసారి సంచలన కామెంట్స్
TG: BRS హయాంలో తనపై PD యాక్ట్ పెట్టినప్పుడు కొందరు BJP నేతలే జైలుకు పంపాలని పోలీసులకు చెప్పారని BJP MLA రాజాసింగ్ ఆరోపించారు. ఇప్పుడూ కొందరు ఎలా వెన్నుపోటు పొడవాలో ఆలోచిస్తున్నారని వాపోయారు. ఇక తాము అధికారంలోకి వస్తే పోలీసులపై చర్యలుంటాయన్న KTR కామెంట్స్‌పై స్పందించారు. అప్పట్లో KTR ఆదేశాలతో రేవంత్‌ను బెడ్రూమ్‌లోకి వెళ్లి అరెస్ట్ చేశారని ఇప్పుడాయన CM అయినా వారిని ఏం చేయలేకపోతున్నట్లు చెప్పారు.
News March 26, 2025
బాలీవుడ్‌లో సెటిల్ అవుతారా? శ్రీలీల సమాధానమిదే
తాను బాలీవుడ్‌లో సెటిల్ అవుతానంటూ వస్తున్న వార్తల్లో నిజం లేదని హీరోయిన్ శ్రీలీల ఓ ఇంటర్వ్యూలో తెలిపారు. టాలీవుడ్ తనకు ఇల్లు లాంటిదని పేర్కొన్నారు. మెడిసిన్ ఫైనలియర్ చదివేందుకు కొన్ని సినిమాలు వదులుకున్నట్లు వెల్లడించారు. నితిన్‌తో కలిసి ఆమె నటించిన ‘రాబిన్‌హుడ్’ ఎల్లుండి రిలీజ్ రానుంది. కాగా బాలీవుడ్ హీరో కార్తీక్ ఆర్యన్‌తో శ్రీలీల డేటింగ్ చేస్తున్నట్లు ఇటీవల ప్రచారం జరిగిన సంగతి తెలిసిందే.