News September 15, 2024

వరదలపై అసత్య ప్రచారం వైసీపీ కుట్ర: మంత్రి నారాయణ

AP: విజయవాడలో మళ్లీ వరదలు వస్తున్నాయని జరిగిన ప్రచారం వెనుక వైసీపీ కుట్ర ఉందని మంత్రి నారాయణ ఆరోపించారు. వరదలపై అసత్య పోస్టుల గురించి డీజీపీకి ఫిర్యాదు చేసినట్లు తెలిపారు. ఇలాంటి దుష్ప్రచారం చేసేవారిపై కఠిన చర్యలు తీసుకుంటామని హెచ్చరించారు. విజయవాడలో పరిస్థితి మెరుగైందని అన్నారు. అగ్నిమాపక శకటాలతో ఇళ్లు శుభ్రం చేస్తున్నట్లు పేర్కొన్నారు. బాధితులను పరామర్శించి అండగా ఉంటామని ధైర్యం చెప్పారు.