News November 27, 2024
నేషనల్ హైవేపై ఆందోళన విరమించిన రైతులు
TG: నిర్మల్(D) దిలావర్‌పూర్‌లో నేషనల్ హైవేపై స్థానిక రైతులు ఆందోళన విరమించారు. కాగా స్థానికంగా ఇథనాల్ పరిశ్రమను రద్దు చేయాలన్న రైతుల డిమాండ్‌పై సీఎం కార్యాలయానికి నివేదిక పంపినట్లుగా కలెక్టర్ ప్రకటనలో తెలిపారు. నిన్న ఉదయం 11 గంటల నుంచి రైతులు ఆందోళనకు దిగిన సంగతి తెలిసిందే. ఈ క్రమంలో వారికి నచ్చజెప్పేందుకు వెళ్లిన ఆర్డీవో రత్నకళ్యాణిని చుట్టుముట్టగా ఆమె అస్వస్థతకు గురికావడంతో ఆసుపత్రికి తరలించారు.
Similar News
News December 12, 2024
చలికాలం అని సరిగా నీరు తాగట్లేదా?
చలికాలంలో సాధారణంగా నీరు పెద్దగా తాగాలనిపించదు. ఇలాగైతే సమస్యలొస్తాయని, కాలం ఏదైనా శరీరానికి నీరు అవసరమని వైద్యులు చెబుతున్నారు. నీటి % తక్కువైతే డీహైడ్రేట్ అయి పొడిచర్మం, అలసట, తలనొప్పి వస్తాయంటున్నారు. ప్రత్యామ్నాయంగా జ్యూస్‌, వాటర్ కంటెంట్ ఎక్కువుండే పండ్లు తీసుకోవచ్చని సూచిస్తున్నారు. అలాగే, శీతాకాలం చెమట పట్టక శరీరం నుంచి ఉప్పు బయటకు వెళ్లదు. అందుకే ఆహారంలో ఉప్పు తగ్గించాలని చెబుతున్నారు.
News December 12, 2024
2024: గూగుల్‌లో అత్యధికంగా సెర్చ్ చేసిన సినిమాలివే..
ఈ ఏడాది అత్యధికంగా సెర్చ్ చేసిన భారతీయ సినిమాల లిస్ట్‌ను గూగుల్ ట్రెండ్స్ రిలీజ్ చేసింది. ఇందులో శ్రద్ధాకపూర్ నటించిన ‘స్త్రీ2’ తొలి స్థానంలో నిలిచింది. హారర్ కామెడీగా తెరకెక్కిన ఈ సినిమా రూ.700 కోట్లకు పైగా వసూలు చేసింది. ఆ తర్వాతి స్థానాల్లో కల్కి 2898AD, 12TH FAIL, లాపతా లేడీస్, హనుమాన్, మహారాజ, మంజుమ్మల్ బాయ్స్, గోట్, సలార్, ఆవేశం టాప్-10లో నిలిచాయి.
News December 12, 2024
రాష్ట్ర పోలీసులపై హైకోర్టు ఆగ్రహం
AP: రాష్ట్రంలో హెల్మెట్‌ నిబంధన అమలు కావట్లేదని పోలీసులపై హైకోర్టు ఆగ్రహం వ్యక్తం చేసింది. జూన్‌ నుంచి సెప్టెంబర్‌ వరకు హెల్మెట్‌ ధరించకపోవడం వల్ల 667 మంది మరణించినట్లు పిటిషనర్ పేర్కొన్నారు. దీంతో హెల్మెట్‌ నిబంధన ఎందుకు అమలు చేయట్లేదు? అని పోలీసులను ఉన్నత న్యాయస్థానం ప్రశ్నించింది. ఈ మరణాలకు బాధ్యత ఎవరిది? అని సీరియస్ అయింది. దీనిపై వారంలోగా కౌంటర్‌ దాఖలు చేయాలని ఆదేశాలు జారీ చేసింది.