News April 4, 2024
OTTలో అదరగొడుతోన్న ‘ఫైటర్’
సిద్ధార్థ్ ఆనంద్ డైరెక్షన్లో హృతిక్ రోహన్, దీపికా పదుకొణే జంటగా నటించిన ఫైటర్ సినిమా నెట్ఫ్లిక్స్లో అదరగొడుతోంది. 10 రోజుల్లోనే 12.5M వ్యూస్ సాధించినట్లు మేకర్స్ వెల్లడించారు. నెట్ఫ్లిక్స్లో అత్యంత వేగంగా ఈ మార్క్ చేరుకున్న బాలీవుడ్ సినిమాగా నిలిచినట్లు తెలిపారు. యానిమల్, డంకీ చిత్రాల రికార్డులను బ్రేక్ చేసినట్లు పేర్కొన్నారు. ఈ చిత్రం థియేటర్లలో దాదాపు రూ.350 కోట్ల కలెక్షన్లను సాధించింది.
Similar News
News December 16, 2025
చియా ఫేస్ప్యాక్తో ముఖానికి మెరుపు
ముఖంపై ముడతలు తగ్గి, అందంగా కనిపించడానికి చియాసీడ్స్ ప్యాక్ ఉపయోగపడుతుంది. చియాసీడ్స్ను నీటిలో లేదా కలబందగుజ్జులో పావుగంట నానబెట్టాలి. దీనికి కాస్త తేనె, నిమ్మరసం కలపాలి. ఈ మిశ్రమాన్ని ముఖానికి, మెడకు రాసి 20 నిమిషాలు ఉంచాలి. తర్వాత గోరువెచ్చని నీటితో ముఖాన్ని కడిగెయ్యాలి. ఈ మాస్క్ ఇన్ఫ్లమేషన్ తగ్గించి, చర్మకణాల్లో కొలాజెన్ను పెంచుతుంది. దీనివల్ల ముఖంపై ముడతలు తగ్గి, కొత్త కాంతి వస్తుంది.
News December 16, 2025
దేవాలయాలకు వీటిని తీసుకెళ్తున్నారా?
గుడిలోకి ప్రవేశించేటప్పుడు తోలుతో చేసిన వస్తువులను ధరించడం, తీసుకువెళ్లడం శుభం కాదు. ఎందుకంటే తోలును చనిపోయిన జంతువుల నుంచి తయారు చేస్తారు. కాబట్టి అవి అపవిత్రమైన పదార్థాల కోవకు చెందుతాయి. పాదరక్షలు, బెల్టులు, పర్సులు వంటి తోలు వస్తువులతో ఆలయంలోకి వెళ్లడం దేవతలను అగౌరవపరచడం అవుతుంది. ఆలయ పరిశుద్ధత కాపాడటానికి భక్తులు ఆలయానికి ఇవేం తీసుకురాకుండా పరిశుభ్రమైన మనస్సుతో దేవుడిని దర్శించుకోవాలి.
News December 16, 2025
డాక్టర్ల ప్రిస్క్రిప్షన్ స్పష్టంగా ఉండాల్సిందే: NMC
డాక్టర్లు రాసే మందుల చీటీ మెడికల్ షాప్ వాళ్లకు తప్ప ఎవరికీ అర్థం కాదనే మాటలు వింటుంటాం. దీనికి చెక్ పెట్టేలా నేషనల్ మెడికల్ కమిషన్ నిర్ణయం తీసుకుంది. ఇకపై డాక్టర్లు ప్రిస్క్రిప్షన్ను స్పష్టంగా, అర్థమయ్యేలా, క్యాపిటల్స్ లెటర్స్లో రాయాలని స్పష్టం చేసింది. ఇది కచ్చితంగా అమలయ్యేలా ప్రత్యేక కమిటీలు వేయాలని మెడికల్ కాలేజీలను ఆదేశించింది. ప్రిస్క్రిప్షన్ అర్థం కాకుండా రాయడం చట్టవిరుద్ధమని పేర్కొంది.