News August 8, 2024
మాజీ ఎమ్మెల్యే కెంబూరి కన్నుమూత
AP: సీనియర్ రాజకీయ నాయకుడు కెంబూరి రామ్మోహన్ రావు(75) ఇవాళ కన్నుమూశారు. అనారోగ్యంతో విశాఖలోని ఓ ప్రైవేటు ఆస్పత్రిలో చికిత్స పొందుతూ పరిస్థితి విషమించడంతో తుది శ్వాస విడిచారు. ఈయన టీడీపీ నుంచి 1985లో చీపురుపల్లి ఎమ్మెల్యేగా, 1989లో బొబ్బిలి ఎంపీగా విజయం సాధించారు. కొంతకాలంగా రాజకీయాలకు దూరంగా ఉంటున్నారు.
Similar News
News August 25, 2025
BJP అబద్ధాలాడుతోంది: మంత్రి తుమ్మల
TG: రాష్ట్రానికి యూరియా తెప్పించేందుకు ఎంతవరకైనా పోరాడతామని రైతులకు మంత్రి తుమ్మల నాగేశ్వరరావు బహిరంగ లేఖ రాశారు. ‘యూరియా సరఫరాలో కేంద్రం విఫలమైంది. RFCLలో ఉత్పత్తి నిలిచిపోవడంతో యూరియా రాలేదు. కేంద్ర వైఫల్యాన్ని రాష్ట్రంపై నెట్టాలని చూస్తున్నారు. దేశవ్యాప్తంగా కొరత ఉంటే కేవలం TGలోనే ఉన్నట్లు BJP అబద్ధాలాడుతోంది. యూరియా కోసం రైతులు క్యూ కట్టారంటూ అసత్య ప్రచారం జరుగుతోంది’ అని పేర్కొన్నారు.
News August 25, 2025
ఏపీ న్యూస్ రౌండప్
* కేరళ తరహాలో కోనసీమను అభివృద్ధి చేస్తాం: PVN మాధవ్
* నా ఎదుగుదల ఓర్వలేక కొన్ని ఛానళ్లు నాపై దుష్ప్రచారం చేస్తున్నాయి: మంత్రి సంధ్యారాణి
* గణేశ్ మండపాలకు ఉచిత విద్యుత్: ఏపీ ప్రభుత్వానికి రాష్ట్ర గణేష్ ఉత్సవ సమితి కమిటీ కృతజ్ఞతలు
* స్మార్ట్ రేషన్ కార్డుల ప్రింటింగ్‌కు రూ.8కోట్లు మంజూరు చేసిన ప్రభుత్వం
* అడ్డగోలుగా దివ్యాంగుల పెన్షన్లు తొలగించారు: లేళ్ల అప్పిరెడ్డి
News August 25, 2025
J&K: ప్రభుత్వ కార్యాలయాల్లో పెన్‌డ్రైవ్, వాట్సాప్‌పై నిషేధం
ప్రభుత్వ కార్యాలయాల్లో పెన్‌డ్రైవ్, వాట్సాప్ వాడకాన్ని J&K ప్రభుత్వం నిషేధించింది. ప్రభుత్వ సమాచారాన్ని పరిరక్షించడం, డేటా ఉల్లంఘనలను తగ్గించడానికి ఈ నిర్ణయం తీసుకున్నట్లు వెల్లడించింది. దీంతో ఇకపై ప్రభుత్వ కార్యకలాపాల కోసం పెన్‌డ్రైవ్ వాడకూడదు. అధికారిక సమాచారాన్ని వాట్సాప్ లేదా ఇతర SM ఫ్లాట్‌ఫామ్స్‌లో షేర్ చేయకూడదు. డేటా షేరింగ్ కోసం క్లౌడ్-ఆధారిత GovDrive ప్లాట్‌ఫామ్‌ ఉపయోగించాల్సి ఉంటుంది.