News August 20, 2024
గుండెపోటుతో నాలుగో తరగతి బాలుడు మృతి
TG: వయసుతో సంబంధం లేకుండా గుండెపోటు మరణాలు కలవరపెడుతున్నాయి. తాజాగా వరంగల్ జిల్లా తిమ్మరాయినిపహాడ్కి చెందిన నాలుగో తరగతి విద్యార్థి అక్షిత్(10) గుండె పోటుతో మరణించాడు. ఛాతీలో నొప్పి ఉందని అతను చెప్పడంతో పేరెంట్స్ వెంటనే ఆస్పత్రికి తరలించారు. అప్పటికే శ్వాస లేకపోవడంతో సీపీఆర్ చేసినా ఫలితం లేకపోయింది. హార్ట్ అటాక్తో బాలుడు చనిపోయినట్లు వైద్యులు తెలిపారు.
Similar News
News January 27, 2026
పొలం గట్లపై బంతి మొక్కలను పెంచితే?
పొలం గట్లపై బంతి మొక్కలను పెంచడం వల్ల అనేక లాభాలున్నాయి. బంతి పువ్వులు బయట నుంచి వచ్చే హానికర పురుగులను ఆకర్షించి.. గట్టు పక్కన ఉన్న ప్రధాన పంటకు చీడల ముప్పును తగ్గిస్తాయి. బంతి పూలు తేనెటీగలు, ఇతర కీటకాలను ఆకర్షించడం వల్ల పరాగ సంపర్కం జరిగి పంట దిగుబడి కూడా పెరుగుతుంది. ఈ పువ్వులను మన సొంత అవసరాలకు వాడుకోవచ్చు, అలాగే ఎక్కువ పూలు వస్తే అమ్మి కొంత మొత్తం ఆదాయంగా పొందవచ్చు.
News January 27, 2026
రామకృష్ణ తీర్థం: వీరికి అనుమతి ఉండదు
రామకృష్ణ తీర్థానికి చేరుకోవడానికి అడవి మార్గంలో కఠినమైన ట్రెక్కింగ్ చేయాల్సి ఉంటుంది. అందుకే 10 ఏళ్లలోపు పిల్లలను, 50 ఏళ్లు పైబడిన పెద్దలను ఈ యాత్రకు అనుమతించరు. మార్గం సజావుగా ఉండదు కాబట్టి గుండె జబ్బులు, ఉబ్బసం లేదా ఇతర ఆరోగ్య సమస్యలు ఉన్నవారు వెళ్లకపోవడం మంచిది. ఈ యాత్రలో ఎక్కువ గంటల పాటు నడవాల్సి ఉంటుంది. అందువల్ల శారీరక దృఢత్వం చాలా అవసరం. భద్రతా దృష్ట్యా ఈ నియమాలను పాటించడం క్షేమకరం.
News January 27, 2026
బనారస్ హిందూ వర్సిటీలో ఉద్యోగాలు
బనారస్ హిందూ యూనివర్సిటీ 5 పోస్టుల భర్తీకి దరఖాస్తులు కోరుతోంది. పోస్టును బట్టి పీజీ (సోషల్ సైన్స్), NET, M.Phil/PhD ఉత్తీర్ణతతో పాటు పని అనుభవం గలవారు ఫిబ్రవరి 15వరకు అప్లై చేసుకోవచ్చు. నెలకు రీసెర్చ్ అసోసియేట్కు రూ.47,000, రీసెర్చ్ అసిస్టెంట్కు రూ.37,000, ఫీల్డ్ ఇన్వెస్టిగేటర్కు రూ.20,000 చెల్లిస్తారు. వెబ్సైట్: https://www.bhu.ac.in/