News April 7, 2024
అన్నం వండలేదని ఫ్రెండ్‌ను చంపేశారు
అన్నం వండలేదని ఓ వ్యక్తిని అతడి స్నేహితులే కొట్టి చంపారు. ఈ ఘటన HYDలోని జీడిమెట్లలో చోటుచేసుకుంది. బిహార్‌కు చెందిన బినయ్ సింగ్, సోనూతివారీ, సందీప్, హన్స్‌రామ్ కుత్బుల్లాపూర్‌లోని ఓ గదిలో అద్దెకుంటూ గ్రానైట్ కంపెనీలో పనిచేస్తున్నారు. ఈ క్రమంలో సందీప్, సోనూ మద్యం తాగి గదికి వచ్చారు. అన్నం ఎందుకు వండలేదని ఇద్దరూ కలిసి హన్స్‌రామ్‌ను విచక్షణారహితంగా కొట్టారు. దీంతో అతడు అక్కడికక్కడే మృతిచెందాడు.
Similar News
News March 1, 2025
మిరాకిల్ జరిగితేనే..
వర్షం కారణంగా ఆస్ట్రేలియాతో మ్యాచ్ రద్దవ్వడంతో అఫ్గానిస్థాన్ సెమీస్ ఆశలు దాదాపు గల్లంతైనట్లే. పాయింట్ల పరంగా దక్షిణాఫ్రికా(3P)తో సమానంగా ఉండగా రేపటి మ్యాచులో ఇంగ్లండ్ చేతిలో SA భారీ తేడాతో ఓడితేనే అఫ్గాన్‌కు అవకాశాలు ఉంటాయి. సుమారు 200 పరుగుల తేడాతో ENG గెలవాల్సి ఉంది. ఒకవేళ మ్యాచ్ వర్షం కారణంగా రద్దైనా SA నేరుగా సెమీస్ వెళ్లనుంది.
News February 28, 2025
రోహిత్, షమీ సహా అందరూ ఫిట్: కేఎల్
ఫిట్‌నెస్ సమస్యలతో మార్చి 2న కివీస్‌తో మ్యాచ్‌కు <<15595049>>రోహిత్,<<>> షమీ దూరమవుతారన్న వార్తలపై కేఎల్ రాహుల్ స్పందించారు. ‘నాకు తెలిసినంత వరకు ఆటగాళ్లంతా ఫిట్‌గా ఉన్నారు. ఎవరూ మ్యాచ్ మిస్సయ్యే ఛాన్స్ లేదు. అందరూ జిమ్, ప్రాక్టీస్ చేస్తున్నారు. పైగా సెమీస్‌కు ముందు ఒక మ్యాచే ఉన్నందున జట్టులో మార్పులు ఉండకపోవచ్చు’ అని తెలిపారు. కాగా ఇవాళ రోహిత్ గంట పాటు మైదానంలో చెమటోడ్చారు.
News February 28, 2025
రేపటి నుంచే ఇంటర్ పరీక్షలు.. ఏర్పాట్లు పూర్తి
AP: రాష్ట్రంలో రేపటి నుంచి ఇంటర్ ఫస్టియర్, 3వ తేదీ నుంచి సెకండియర్ పరీక్షలు మొదలుకానున్నాయి. 10.58 లక్షల మంది విద్యార్థులు హాజరుకానున్నారు. ఉ.9 నుంచి మ.12 వరకు ఎగ్జామ్స్ జరగనున్నాయి. రాష్ట్రవ్యాప్తంగా 1,535 పరీక్షా కేంద్రాల్లో సీసీ కెమెరాలను అధికారులు ఏర్పాటుచేశారు. అన్ని సెంటర్ల పరిధిలో 144 సెక్షన్ అమల్లో ఉంటుంది. స్టూడెంట్స్ గంట ముందే పరీక్ష కేంద్రానికి చేరుకోవాలి.