News August 7, 2024
‘గేమ్ ఛేంజర్’ డబ్బింగ్ మొదలైంది: SVC
గ్లోబల్ స్టార్ రామ్ చరణ్ ఫ్యాన్స్ చాలాకాలంగా ‘గేమ్ ఛేంజర్’ సినిమా అప్డేట్ కోసం ఎదురుచూస్తున్నారు. ఈరోజు డబ్బింగ్ పనుల్ని ప్రారంభించామంటూ వారికి నిర్మాణ సంస్థ గుడ్ న్యూస్ చెప్పింది. ఈ ఏడాది క్రిస్మస్కు మెగా ఫైర్వర్క్స్కు అంతా సిద్ధమవుతోందని ట్వీట్ చేసింది. శంకర్ దర్శకత్వంలో రామ్చరణ్, కియారా అద్వానీ జంటగా గేమ్ ఛేంజర్ తెరకెక్కింది. మూవీలో చరణ్ రెండు విభిన్న పాత్రల్లో కనిపిస్తారని సమాచారం.
Similar News
News September 20, 2024
నేటి నుంచి ఆన్లైన్లో ఇసుక బుకింగ్
AP: ఇసుక బుకింగ్ కోసం రూపొందించిన ఏపీ శాండ్ మేనేజ్మెంట్ పోర్టల్ నేడు అందుబాటులోకి రానుంది. ఉ.10.30-మ.12 వరకు గ్రామ, వార్డు సచివాలయాల్లో, మ.12-సా.6 వరకు ఎవరైనా వ్యక్తిగతంగా బుకింగ్ చేసుకునేలా పోర్టల్ను రూపొందించారు. అయితే 24 గంటలూ బుకింగ్కు అవకాశం ఉండాలని CM చంద్రబాబు ఆదేశించడంతో అధికారులు మార్పులు చేస్తున్నారు. వాగులు, వంకల నుంచి ఇసుక తీసుకెళ్లే ప్రజలను ఇబ్బంది పెట్టొద్దని ఆయన స్పష్టం చేశారు.
News September 20, 2024
ఇసుక ఆన్లైన్ బుకింగ్ ఇలా
✒ <
✒ ఆ తర్వాత జనరల్ కన్జ్యూమర్ అనే ఆప్షన్పై క్లిక్ చేసి, ఆధార్, మొబైల్ నంబర్ నమోదు చేయాలి.
✒ మెయిల్ ఐడీ, చిరునామా ఎంటర్ చేస్తే రిజిస్ట్రేషన్ ఖరారవుతుంది.
✒ ఆ తర్వాత నిర్మాణ వివరాలు నమోదు చేయాలి. పేమెంట్ పూర్తిచేశాక ఏ రోజు డెలివరీ అవుతుందో మెసేజ్ వస్తుంది.
News September 20, 2024
‘మీసేవ’లో సర్వర్ సమస్యలు.. ప్రజలకు ఇబ్బందులు
TG: రాష్ట్రవ్యాప్తంగా దాదాపు 3 వారాలుగా ‘మీసేవ’ సర్వర్లలో సమస్యలు ఏర్పడుతున్నాయి. క్యాస్ట్, ఇన్కమ్, నివాస, జనన, మరణ ధ్రువీకరణ పత్రాలు, ఇతర సర్టిఫికెట్లు డౌన్లోడ్ కాకపోవడంతో ప్రజలు ఇబ్బందులు పడుతున్నారు. వీలైనంత త్వరగా సమస్యను పరిష్కరించాలని కోరుతున్నారు. రాష్ట్రంలోని 5,216 మీసేవా కేంద్రాల ద్వారా 38 శాఖలకు చెందిన 204 రకాల సేవలు అందుతున్నాయి.