News April 11, 2025
గంధమల్ల రిజర్వాయర్ సామర్థ్యం కుదింపు
TG: యాదాద్రి(D) గంధమల్ల రిజర్వాయర్ సామర్థ్యాన్ని 4.28 TMCల నుంచి 1.41 TMCలకు తగ్గిస్తూ ప్రభుత్వం ఉత్తర్వులు జారీ చేసింది. రూ.575.56 కోట్లతో అనుమతులు మంజూరు చేసింది. కాళేశ్వరం ప్రాజెక్ట్‌లో భాగంగా అప్పటి BRS ప్రభుత్వం గంధమల్ల వద్ద 9.86 TMCలతో రిజర్వాయర్ నిర్మించాలనుకుంది. ముంపునకు గురయ్యే 5 గ్రామాల నుంచి వ్యతిరేకత రావడంతో 4.28 TMCలకు కుదించింది. తాజాగా INC సర్కార్ 1.41 TMCలకు పరిమితం చేసింది.
Similar News
News November 29, 2025
గృహహింస చట్టం అత్తకు వర్తిస్తుందా?
సాధారణంగా గృహహింస చట్టం పెళ్లైన మహిళలకే వర్తిస్తుందని అనుకుంటారు. కానీ ఇది ఇంట్లో ఇతరుల వల్ల ఇబ్బంది పడే మహిళలందరికీ వర్తిస్తుంది. అత్తింట్లో కోడలు ఎలాంటి ఇబ్బంది పడ్డా, ఒకవేళ కోడలు అత్తను ఇబ్బంది పెట్టినా, హింసించినా ఈ చట్టం వర్తిస్తుంది. అలాగే కూతురిని హింసించినా ఈ చట్టం వర్తిస్తుందని నిపుణులు చెబుతున్నారు. చాలామంది అత్తలు ఇది తెలియక తమ కోడలు పెట్టే ఇబ్బందులును మౌనంగా భరిస్తున్నారు.
News November 29, 2025
ప్రభాస్ మరో ఆరు నెలలు కనిపించరా?
సందీప్ రెడ్డి వంగా-ప్రభాస్ కాంబోలో తెరకెక్కుతోన్న స్పిరిట్ షూటింగ్ ఇటీవల ప్రారంభమైన విషయం తెలిసిందే. సినిమాలో ప్రభాస్ కొత్త లుక్ లీక్ అవకుండా ఉండటానికి సందీప్ జాగ్రత్తలు తీసుకుంటున్నారు. తాజా సమాచారం ప్రకారం.. వచ్చే 6 నెలలు ప్రజలకు కనిపించవద్దని ఆయన ప్రభాస్‌ను కోరారట. అయితే ఈ నిర్ణయంతో జనవరిలో విడుదల కానున్న “ది రాజాసాబ్” ప్రమోషన్స్ ఎలా చేస్తారు అన్నది ఆసక్తిగా మారింది.
News November 29, 2025
శ్రీవారి వైకుంఠ ద్వార దర్శనానికి రికార్డు రిజిస్ట్రేషన్లు
తిరుమల శ్రీవారి వైకుంఠ ద్వార దర్శనాలకు రికార్డు స్థాయిలో భక్తుల పేర్లు నమోదు చేసుకున్నారు. గడిచిన 48 గంటల్లో ఈ-డిప్‌లో టోకెన్లు పొందేందుకు 7.7 లక్షల రిజిస్ట్రేషన్ల ద్వారా 19.5 లక్షల మంది భక్తులు నమోదు చేసుకున్నట్లు TTD వర్గాలు తెలిపాయి. డిసెంబర్ 1న సాయంత్రం 5 గంటల వరకు రిజిస్ట్రేషన్లు కొనసాగనున్నాయి. డిసెంబర్ 2న టోకెన్లు పొందిన వారి మొబైల్‌కు మెసేజ్ పంపిస్తారు.