News November 9, 2024
బిగ్‌బాస్ నుంచి గంగవ్వ ఔట్?
బిగ్‌బాస్ సీజన్ 8లో ఊహించని ట్విస్టులు కొనసాగుతున్నాయి. నామినేషన్స్‌లో లేని గంగవ్వ BB నుంచి బయటకు వెళ్తున్నట్లు తెలుస్తోంది. అనారోగ్య కారణాలతో ఆమెను హౌస్ నుంచి పంపించారని సమాచారం. ఆమె హౌస్‌లో ఉన్నప్పటికీ పలు పోటీలకు దూరంగా ఉంటున్న సంగతి తెలిసిందే. మరోవైపు ఓటింగ్ ప్రకారం మరో కంటెస్టెంట్ కూడా ఎలిమినేట్ కానున్నారు. ఇవాళ్టి ఎపిసోడ్‌లో దీనిపై క్లారిటీ వచ్చే అవకాశముంది.
Similar News
News December 11, 2024
కేజీ గార్బేజ్ తీసుకొస్తే చాలు.. కడుపు నిండా ఫుడ్
ఆకలిగా ఉన్నా డబ్బులు లేవని బాధపడుతున్న వారికి అంబికాపూర్‌లోని(ఛత్తీస్‌గఢ్‌) ‘గార్బేజ్ కేఫ్’ కడుపు నిండా ఆహారం పెడుతోంది. ఈ ప్రత్యేకమైన కేఫ్‌లో 1 కేజీ ప్లాస్టిక్ వ్యర్థాలను తీసుకొచ్చిన వారికి భోజనాన్ని అందిస్తున్నారు. ఇందులో రోటీలతో పాటు అన్నం, సలాడ్, ఊరగాయలు, పాపడ్ ఉంటాయి. ప్లాస్టిక్ సీసాలు, ఇతర వ్యర్థాలను తీసుకురావాలి. అన్నార్థుల ఆకలి తీర్చడం, కాలుష్యాన్ని తగ్గించేందుకే ఈ నిర్ణయం తీసుకున్నారు.
News December 11, 2024
పేర్ని నాని భార్య జయసుధపై కేసు
AP: రేషన్ బియ్యం అక్రమ రవాణా కేసులో మాజీ మంత్రి పేర్ని నాని భార్య జయసుధపై కేసు నమోదైంది. సివిల్ సప్లైస్ అధికారి కోటి రెడ్డి ఫిర్యాదు మేరకు మచిలీపట్నం పోలీసులు కేసు నమోదు చేశారు. వైసీపీ హయాంలో జయసుధ పేరిట నాని ఓ గిడ్డంగి నిర్మించారు. దీనిని పౌరసరఫరాలశాఖకు అద్దెకు ఇచ్చారు. ఇటీవల ఈ గోడౌన్‌ను పోలీసులు తనిఖీలు చేయగా అవకతవకలు జరిగినట్లు గుర్తించారు.
News December 11, 2024
రాష్ట్రంలో మళ్లీ రేషన్ మాఫియా: జగన్
AP: రాష్ట్రంలో రేషన్ మాఫియా మళ్లీ వచ్చిందని మాజీ సీఎం జగన్ ఆరోపించారు. రేషన్ బియ్యం అక్రమ రవాణా విషయంలో ప్రభుత్వం ప్రజలను తప్పుదోవ పట్టిస్తోందని ఆయన మండిపడ్డారు. ‘ప్రజలకు నాణ్యమైన స్వర్ణరకం బియ్యం ఇవ్వడం లేదు. సార్టెక్స్ బియ్యం అందుబాటులో లేదు. ప్రజలకు నాసిరకం బియ్యం ఇస్తున్నారు. ఆర్థిక మంత్రి వియ్యంకుడే బియ్యం అక్రమ ఎగుమతులు చేస్తున్నారు. కానీ నిందలు మాపై వేస్తున్నారు’ అని ఆయన ఫైర్ అయ్యారు.