News May 31, 2024
దండం పెడుతున్నా.. ఢిల్లీకి నీళ్లు ఇవ్వండి: కేజ్రీవాల్
ఢిల్లీలో తీవ్ర నీటి కొరత ఏర్పడిందని, కేంద్రం, ఇరుగుపొరుగు బీజేపీ పాలిత రాష్ట్రాలు నీటిని సరఫరా చేయాలని సీఎం అరవింద్ కేజ్రీవాల్ విజ్ఞప్తి చేశారు. ‘తీవ్ర ఉష్ణోగ్రతలతో ఢిల్లీలో నీటికి డిమాండ్ పెరిగింది. హరియాణా, యూపీ నుంచి సరఫరా తగ్గింది. దీంతో డిమాండ్ పెరిగి సప్లై తగ్గింది. ఈ సమయంలో రాజకీయాలు చేయొద్దని దండం పెట్టి అడుగుతున్నా. అందరం కలిసి ఈ సమస్యను ఎదుర్కొందాం’ అని కోరారు.
Similar News
News January 20, 2025
నేను నేరం చేయలేదు: సంజయ్ రాయ్
తాను తప్పు చేయలేదని కలకత్తా హత్యాచార ఘటన దోషి సంజయ్ రాయ్ కోర్టుకు తెలిపాడు. తీర్పు ఖరారుపై కాసేపటి క్రితం సీల్దా కోర్టులో వాదనలు ప్రారంభం కాగా, తనను అన్యాయంగా ఈ కేసులో ఇరికించారని వాపోయాడు. నేరం చేసినట్లు ఒప్పుకోవాలని ఒత్తిడి తెచ్చారన్నాడు. కాగా 2024 AUG 9న RG Kar ఆస్పత్రిలో ట్రైనీ డాక్టర్ దారుణ హత్యాచారానికి గురైంది. ఆ మరుసటి రోజు మాజీ పోలీస్ కాంట్రాక్టు ఉద్యోగి <<15203033>>సంజయ్<<>> ఈ కేసులో అరెస్టయ్యాడు.
News January 20, 2025
‘హిండెన్‌బర్గ్’ అండర్సన్‌పై మోసం కేసు నమోదుకు ఆస్కారం!
US షార్ట్‌సెల్లర్ హిండెన్‌బర్గ్ యజమాని అండర్సన్‌పై సెక్యూరిటీ ఫ్రాడ్ కేసు నమోదవ్వొచ్చని సమాచారం. కంపెనీలే టార్గెట్‌గా రిపోర్టులు రూపొందించేందుకు హెడ్జ్‌ఫండ్ కంపెనీలతో కుమ్మక్కైనట్టు ఆంటారియో కోర్టులో దాఖలైన పత్రాలు వెల్లడిస్తున్నాయి. షేర్ల ట్రేడింగులో పాల్గొంటున్నట్టు చెప్పకుండా బేరిష్ రిపోర్టులను రూపొందించడం US SEC ప్రకారం నేరమని ఆ నివేదిక నొక్కిచెప్పింది. అదానీ-హిండెన్‌బర్గ్ వ్యవహారం తెలిసిందే.
News January 20, 2025
‘పిల్లలతో పెద్దవారిని తిట్టిస్తే కామెడీనా?’.. నెట్టింట విమర్శలు
విక్టరీ వెంకటేశ్ ‘సంక్రాంతికి వస్తున్నాం’ సినిమాలోని బుల్లిరాజు క్యారెక్టర్ థియేటర్లలో నవ్వులు తెప్పించిందని చాలామంది చెప్తున్నారు. అయితే, కొందరు మాత్రం అలాంటి క్యారెక్టర్‌ను ఎంకరేజ్ చేయొద్దని విమర్శిస్తున్నారు. ‘పిల్లలతో పెద్దలను బూతులు తిట్టించడం కామెడీనా? ఇది చూసి పిల్లలతో కలిసి పెద్దలూ నవ్వుతున్నారు. మీ పిల్లలూ అలా తిడితే ఎలా?’ అంటూ ట్వీట్స్ చేస్తున్నారు. ఇంతకీ బుల్లిరాజు పాత్రపై మీ కామెంట్?