News August 13, 2025
మళ్లీ తగ్గిన గోల్డ్ రేట్స్
బంగారం దిగుమతులపై ఎలాంటి టారిఫ్‌లు విధించమని ట్రంప్ ప్రకటించడంతో గ్లోబల్ మార్కెట్‌లో గోల్డ్ ధరలు తగ్గాయి. దీంతో HYD బులియన్ మార్కెట్‌లోనూ ధరలు క్రమంగా తగ్గుతున్నాయి. ఇవాళ 24 క్యారెట్ల పసిడి 10 గ్రాములపై రూ.50 తగ్గి రూ.1,01,350కు చేరింది. ఇక 22 క్యారెట్ల గోల్డ్ 10 గ్రాములపై రూ.50 పతనమై రూ.92,900 పలుకుతోంది. అటు KG వెండి ధర రూ.1,25,000గా ఉంది. తెలుగు రాష్ట్రాల్లో దాదాపు ఇవే ధరలున్నాయి.
Similar News
News August 13, 2025
రాష్ట్రంలో ప్రజాస్వామ్యం కనిపించడం లేదు: జగన్
AP: రాష్ట్రంలో ప్రజాస్వామ్యం కనిపించడం లేదని మాజీ సీఎం వైఎస్ జగన్ ఆరోపించారు. పులివెందుల, ఒంటిమిట్ట జడ్పీటీసీ ఉప ఎన్నికలే ఇందుకు నిదర్శనమని పేర్కొన్నారు. తాడేపల్లిలో ఆయన మీడియాతో మాట్లాడారు. ‘ఉప ఎన్నికల్లో పోలీసుల సాయంతో టీడీపీ నేతలు రిగ్గింగ్ చేశారు. పోలీసులే ఏజెంట్ల ఫామ్‌లు చించేశారు. బూత్‌ల్లో వైసీపీ ఏజెంట్లను లేకుండా చేశారు. ఇంత అన్యాయమైన ఎన్నికలు నేనెప్పుడూ చూడలేదు’ అని ఆయన ఫైర్ అయ్యారు.
News August 13, 2025
RRBలో 1036 జాబ్స్.. ఎగ్జామ్ డేట్స్ ఫిక్స్
దేశ వ్యాప్తంగా వివిధ రైల్వే రీజియన్లలో 1036 మినిస్టీరియల్, ఐసోలేటెడ్ కేటగిరీస్ పోస్టుల భర్తీకి RRB నోటిఫికేషన్ ఇచ్చిన విషయం తెలిసిందే. ఇప్పటికే దరఖాస్తుల ప్రక్రియ ముగిసింది. తాజాగా ఎగ్జామ్ డేట్స్‌ను RRB ప్రకటించింది. Sept 10-12 వరకు ఆన్‌లైన్ విధానంలో పరీక్షలు జరగనున్నాయి. సిటీ ఇంటిమేషన్ స్లిప్స్ త్వరలో రిలీజ్ కానున్నాయి. ఎగ్జామ్‌కు 4 రోజుల ముందు అడ్మిట్ కార్డులు డౌన్‌లోడ్ చేసుకోవచ్చు.
News August 13, 2025
‘స్థానిక’ ఎన్నికలు.. బ్యాలెట్ బాక్సులు వచ్చేశాయ్
TG: రాష్ట్రంలో స్థానిక సంస్థల ఎన్నికలకు ప్రభుత్వం సిద్ధమవుతోంది. పార్టీ పరంగా BCలకు 42% రిజర్వేషన్లు ఇవ్వడంపై ఈనెల 18న క్యాబినెట్ భేటీలో చర్చించి CM ప్రకటించే అవకాశం ఉంది. రేపు పంచాయతీ అధికారులతో ఆయన సమీక్షించనున్నారు. అటు ఎన్నికల నిర్వహణకు గుజరాత్ నుంచి 37,530 బ్యాలెట్ బాక్సులు HYDకు వచ్చాయి. వాటిని నేడు లేదా రేపు జిల్లాల వారీగా పంపిణీ చేయనున్నట్లు రాష్ట్ర ఎన్నికల కమిషన్ అధికారులు వెల్లడించారు.