News April 7, 2024
డిగ్రీ ఫెయిలైన వారికి గుడ్‌న్యూస్
TG: ఓయూ పరిధిలో డిగ్రీ చదివి ఫెయిలైన పూర్వ విద్యార్థులు మళ్లీ పరీక్షలు రాసేందుకు అధికారులు అవకాశం కల్పించారు. BA, BCOM, BSC ఇతర డిగ్రీ కోర్సుల్లో 2000-2019 వరకు ఫెయిలైన వారు ఈనెల 15 వరకు ఫీజు చెల్లించాలని, అపరాధ రుసుముతో ఈనెల 20 నుంచి 22 వరకు చెల్లించవచ్చని పేర్కొన్నారు. గతంలో ఒక్క సబ్జెక్టుకు ₹10వేలుగా ఉన్న ఫీజును ఇప్పుడు ₹2వేలకు తగ్గించినట్లు తెలిపారు. వివరాలకు ఓయూ వెబ్‌సైట్ చూడాలని సూచించారు.
Similar News
News November 6, 2025
బడికిరాని విద్యార్థులను తిరిగి తీసుకువచ్చే బాధ్యత CRPలదే: DSE
AP: బడికిరాని విద్యార్థుల ఇళ్లకు వెళ్లి వారు తిరిగి స్కూళ్లకు వచ్చేలా CRPలు చర్యలు తీసుకోవాలని పాఠశాల విద్యాశాఖ ఆదేశించింది. వెబ్‌ఎక్స్ మీటింగ్‌లో కమిషనర్ సమీక్షించారు. స్కూళ్లకు రాని వారికి హాజరు వేసినట్లు గుర్తిస్తే టీచర్లు, అధికారులపై చర్యలు తప్పవని హెచ్చరించారు. SSC పరీక్షల కోసం విద్యార్థులకు 100 రోజుల ప్రణాళికను రూపొందించామన్నారు. దీన్ని ప్రభుత్వ స్కూళ్లలో తప్పనిసరిగా అమలు చేయాలని చెప్పారు.
News November 6, 2025
ఆస్ట్రేలియాపై భారత్ విక్టరీ
నాలుగో టీ20లో ఆస్ట్రేలియాపై భారత్ 48 రన్స్ తేడాతో విజయం సాధించింది. 168 రన్స్ టార్గెట్‌తో బరిలోకి దిగిన ఆసీస్‌ 18.2 ఓవర్లలో 119 పరుగులకే కుప్పకూలింది. టీమ్ ఇండియా బౌలర్లలో సుందర్ 3, అక్షర్, దూబే చెరో 2, వరుణ్, అర్ష్‌దీప్, బుమ్రా తలో వికెట్ తీశారు. దీంతో భారత్ 5 టీ20 సిరీస్‌లో 2-1తో లీడ్‌లో నిలిచింది. చివరి టీ20 ఈనెల 8న జరగనుంది.
News November 6, 2025
బోన్ సూప్ తాగుతున్నారా?
చాలామందికి చికెన్, మటన్ బోన్ సూప్ అంటే ఇష్టం. ఇది రుచికరమే కాకుండా ఆరోగ్యానికీ ఎంతో మంచిదని యూరోపియన్ మెడికల్ జర్నల్ వెల్లడించింది. ‘ఇందులో యాంటీ ఇన్‌ఫ్లమేటరీ ప్రాపర్టీస్, అమైనో ఆమ్లాలు, గ్లుటామైన్, ఖనిజాలు ఉంటాయి. ఇవి జీర్ణశక్తి, గట్ హెల్త్‌, రోగనిరోధక శక్తికి దోహదం చేస్తాయి. చలికాలంలో వేధించే జలుబు, గొంతునొప్పి, దగ్గు, మలబద్ధకం, గ్యాస్ట్రిక్, అవయవాల్లో వాపు సమస్యలను నివారిస్తాయి’ అని పేర్కొంది.