News August 29, 2024
రైల్వే ప్రయాణికులకు గుడ్ న్యూస్
దసరా, దీపావళి, ఛాత్ పండుగల సందర్భంగా 48 స్పెషల్ రైళ్లు ఏర్పాటు చేసినట్లు SCR అధికారులు తెలిపారు. అక్టోబర్ 9 నుంచి నవంబర్ 25 మధ్య వీటిని నడపనున్నట్లు వెల్లడించారు. తిరుపతి-మచిలీపట్నం, కాకినాడ టౌన్-సికింద్రాబాద్, సికింద్రాబాద్-నాగర్‌సోల్, కాచిగూడ-తిరుపతి మధ్య ఇవి ప్రయాణించనున్నట్లు పేర్కొన్నారు. ఈ విషయాన్ని ప్రయాణికులు గమనించాలని కోరారు.
Similar News
News July 10, 2025
టాలీవుడ్ సెలబ్రిటీలపై సజ్జనార్ ఫైర్
బెట్టింగ్ యాప్స్ ప్రమోట్ చేసిన <<17013741>>టాలీవుడ్ సెలబ్రిటీ<<>>లపై RTC MD సజ్జనార్ ఫైర్ అయ్యారు. ‘యువత బంగారు భవిష్యత్తును ఛిద్రం చేస్తున్న వీళ్లా సెలబ్రిటీలు? మంచి పనులు చేసి యూత్‌కు ఆదర్శంగా ఉండాల్సిన మీరు.. బెట్టింగ్ యాప్‌లు ప్రమోట్ చేసి యువత మరణాలకు కారణమయ్యారు. మీరు బెట్టింగ్ ప్రోత్సహించడం వల్లే యువత బంధాలు, బంధుత్వాలు మరిచిపోయారు. కాసులకు కక్కుర్తి పడే మీ ధోరణి సరైనది కాదు’ అంటూ ఎక్స్‌లో ట్వీట్ చేశారు.
News July 10, 2025
Grok4ను ఆవిష్కరించిన మస్క్
xAI ఆవిష్కరించిన AI చాట్‌బాట్‌లో అత్యాధునిక వెర్షన్ Grok4ను ఎలన్ మస్క్ ఆవిష్కరించారు. ఈ వెర్షన్ గ్రాడ్యుయేట్ విద్యార్థుల కంటే స్మార్ట్ అని, సబ్జెక్టులో పీహెచ్‌డీ‌ని మించి ఉంటుందని మస్క్ అన్నారు. దీంతో కొత్త సాంకేతికతలను అన్వేషించవచ్చని అంచనా వేశారు. ఈ వెర్షన్‌లో డెవలపర్స్ కోసం కోడింగ్ ఆటో కంప్లీషన్, డీబగ్గింగ్, IDE ఇంటిగ్రేషన్ ఉంటాయి. రియల్‌టైమ్ డేటా, మల్టీ మోడల్ సపోర్టింగ్ కూడా ఉంటుంది.
News July 10, 2025
నా ఫస్ట్ లవ్ అతడితోనే: అనుష్క శెట్టి
తాను ఆరో తరగతిలోనే సహ విద్యార్థితో ప్రేమలో పడిపోయినట్లు హీరోయిన్ అనుష్క శెట్టి తెలిపారు. తన ఫస్ట్ లవ్ విషయాన్ని ఇటీవల ఆమె ఓ ఇంటర్వ్యూలో పంచుకున్నారు. ‘ఓ రోజు నా క్లాస్‌మేట్ నా దగ్గరికి వచ్చి ఐ లవ్ యూ చెప్పాడు. నేను కూడా అతడికి ఓకే చెప్పా. అప్పుడు ఐ లవ్ యూ అంటే ఏంటో కూడా తెలియదు. ఆ విషయం ఇప్పటికీ నాకు ఓ మధురానుభూతి’ అంటూ చెప్పుకొచ్చారు. కాగా అనుష్క నటించిన ‘ఘాటీ’ మూవీ విడుదలకు సిద్ధంగా ఉంది.