News November 12, 2024

వైసీపీకి మరో ఎమ్మెల్సీ గుడ్‌బై?

image

AP: ఎమ్మెల్సీ పండుల రవీంద్రబాబు వైసీపీకి, పదవికి రాజీనామా చేయనున్నట్లు సమాచారం. పార్టీ అధిష్ఠానం తనను విస్మరించిందని ఆయన అసంతృప్తితో ఉన్నారని తెలుస్తోంది. జనసేనలో చేరేందుకు ఆ పార్టీ నేతలతో చర్చించారని వార్తలు వస్తున్నాయి. ఇప్పటికే పలువురు ఎమ్మెల్సీలు వైసీపీని వీడిన విషయం తెలిసిందే. మాజీ ఐఆర్ఎస్ అధికారి అయిన ఈయన 2014లో టీడీపీ నుంచి అమలాపురం ఎంపీగా గెలిచారు. తర్వాత వైసీపీలో చేరారు.

Similar News

News November 29, 2025

PHOTO: సిద్ద-శివ బ్రేక్‌ఫాస్ట్ మీట్

image

కర్ణాటకలో సీఎం మార్పు ప్రచారం వేళ సిద్దరామయ్య, డీకే శివకుమార్ కలిసి బ్రేక్‌ఫాస్ట్ చేశారు. సిద్ద ఆహ్వానం మేరకు శివకుమార్ ఆయన నివాసానికి వెళ్లారు. సీఎం, డిప్యూటీ సీఎం ఏం మాట్లాడుకున్నారనేది తెలియాల్సి ఉంది. సీఎం కుర్చీపై వారిద్దరే తేల్చుకోవాలంటూ కాంగ్రెస్ అధిష్ఠానం స్పష్టం చేసింది. దీంతో ఈ భేటీ ప్రాధాన్యం సంతరించుకుంది. కుర్చీ వదులుకోవడానికి సిద్ద అంగీకరిస్తారా? లేదా అన్నది ఉత్కంఠగా మారింది.

News November 29, 2025

TG TET.. ఇవాళ ఒక్క రోజే ఛాన్స్

image

తెలంగాణ టీచర్ ఎలిజిబిలిటీ టెస్ట్ (TG TET) దరఖాస్తుల గడువు నేటితో ముగియనుంది. అభ్యర్థులు <>https://tgtet.aptonline.in/tgtet/<<>> సైట్‌లో రా.11.50లోగా అప్లై చేసుకోవచ్చు. ఇన్ సర్వీస్ టీచర్లూ దరఖాస్తు చేస్తుండటంతో గతంతో పోలిస్తే అప్లికేషన్ల సంఖ్య పెరిగినట్లు తెలుస్తోంది. అటు దరఖాస్తుల సవరణకు డిసెంబర్ 1 వరకు అవకాశం కల్పించారు. రెండు సార్లు మాత్రమే ఎడిట్ ఆప్షన్ ఉపయోగించుకోవచ్చని సైట్‌లో పేర్కొన్నారు.

News November 29, 2025

శానిటేషన్ వర్కర్లను గౌరవించుకుందాం: GHMC

image

TG: మనం రోడ్లపై నడవ గలుగుతున్నామంటే అందుకు కారణం శానిటేషన్ వర్కర్లని GHMC పేర్కొంది. ‘సిటీ నిద్రపోతుండగానే పారిశుద్ధ్య కార్మికులు పని మొదలు పెడతారు. మనం పారేసే చెత్తను క్లీన్ చేస్తారు. డస్ట్, దుర్వాసన, ఎండలోనూ పని చేస్తారు. కానీ, చాలామంది వారితో అమర్యాదగా నడుచుకుంటారు. మన పరిసరాలను శుభ్రంగా ఉంచే వారి మర్యాదని కాపాడుదాం. నవ్వుతూ పలకరిద్దాం. శానిటేషన్ వర్కర్ల మర్యాదను కాపాడుదాం’ అని ట్వీట్ చేసింది.