News September 24, 2024
ప్రజారోగ్యంపై ప్రభుత్వానికి పట్టింపు లేదు: KTR
TG: ప్రజారోగ్యంపై కాంగ్రెస్ ప్రభుత్వానికి పట్టింపు లేదని KTR విమర్శించారు. ‘రోగాలు, నొప్పులు, వ్యాధులు, బాధలతో జనం అల్లాడుతున్నా ప్రభుత్వానికి చలనం లేదు. ఎవడి చావు వాడు చస్తాడు మాకేం సంబంధం అన్నట్టుగా ప్రవర్తిస్తోంది. వైద్యారోగ్య శాఖకు చీమకుట్టినట్టు కూడా లేదు. ప్రభుత్వ శాఖలు మొద్దు నిద్ర వీడటం లేదు. ప్రాణాంతక రోగాలు పట్టి పీడిస్తుంటే అరికట్టాల్సిన ప్రభుత్వం అడ్రస్ లేదు’ అని ట్వీట్ చేశారు.
Similar News
News October 11, 2024
15న నేవీ రాడార్ స్టేషన్‌కు శంకుస్థాపన
TG: వికారాబాద్ జిల్లా పరిగిలోని దామగుండంలో నేవీ రాడార్ స్టేషన్ నిర్మాణానికి ఈ నెల 15న శంకుస్థాపన జరగనుంది. CM రేవంత్ రెడ్డి, మంత్రి సురేఖలను కలిసి రాడార్ స్టేషన్ ప్రాజెక్టు అధికారులు శంకుస్థాపనకు ఆహ్వానించారు. దేశంలోనే 2వ రాడార్ స్టేషన్ కలిగిన రాష్ట్రంగా తెలంగాణకు గుర్తింపు వస్తుందని మంత్రి సురేఖ ఈ సందర్భంగా అభిప్రాయపడ్డారు. అటు ఈ స్టేషన్ వద్దంటూ వామపక్షాలు, ప్రజాసంఘాలు ఇటీవల ఆందోళన చేశాయి.
News October 11, 2024
ప్రయాణికులకు ‘దసరా’ షాక్
AP: దసరాకు నగరాల నుంచి సొంతూళ్లకు వెళ్తున్న ప్రయాణికులను ప్రైవేట్ ట్రావెల్స్ దోచేస్తున్నాయి. ఇవాళ నాన్ AC బస్సుల్లో అదనంగా ₹700-1,000, AC బస్సుల్లో ₹1,000-2,000 వరకు గుంజుతున్నాయి. ఆదివారం తిరుగు ప్రయాణానికి రెండింతల రేట్లు పెంచేశాయి. ఉదా. HYD నుంచి కడపకు టికెట్ ధర ₹1,000 ఉండగా, ఇప్పుడు ₹2,000-3,000 లాగుతున్నాయి. ప్రత్యక్షంగానే దోపిడీ కనపడుతున్నా రవాణా శాఖ పట్టించుకోవట్లేదని విమర్శలు వస్తున్నాయి.
News October 11, 2024
నీటి పారుదల శాఖకు రూ.284 కోట్లు విడుదల
AP: జలవనరుల ప్రాజెక్టుల్లో అత్యవసరంగా చేపట్టాల్సిన పనుల కోసం నీటిపారుదల శాఖకు రూ.284.04 కోట్లు విడుదల చేస్తూ ఏపీ ప్రభుత్వం ఉత్తర్వులు జారీ చేసింది. రాష్ట్ర విపత్తు నిర్వహణ సంస్థ నుంచి ఈ నిధులు విడుదల చేసింది. దీంతో కాలువలు, ప్రాజెక్టు గేట్ల మరమ్మతులు వంటివి చేయనున్నారు. అంతకుముందు రూ.310 కోట్లతో ప్రభుత్వానికి నీటిపారుదల శాఖ అంచనా వ్యయాన్ని పంపింది.