News November 15, 2024
GREAT: చనిపోతూ నలుగురికి ప్రాణం పోశాడు
AP: రోడ్డు ప్రమాదంలో బ్రెయిన్ డెడ్ అయిన కొడుకు అవయవాలు దానం చేసి పేరెంట్స్ నలుగురి ప్రాణాలు కాపాడారు. ఈ ఘటన విజయనగరంలో జరిగింది. మన్యం(D) కొత్తవలసకు చెందిన సాయికుమార్(22) బైక్‌పై ఇంటికొస్తూ కింద పడ్డారు. తీవ్ర గాయాలపాలైన అతడిని VZM ఆస్పత్రికి తీసుకెళ్లగా బ్రెయిన్ డెడ్ అయినట్లు వైద్యులు ప్రకటించారు. తల్లిదండ్రుల సమ్మతితో కాలేయం, కిడ్నీలు, ఊపిరితిత్తులను విశాఖకు తరలించి నలుగురికి అమర్చారు.
Similar News
News November 15, 2024
అసలు సంగతి పక్కనపెట్టి అదానీ వెంట పడ్డారా?
అదానీ ఇంట్లో BJP, NCP <<14596038>>మీటింగ్<<>> అనగానే మహారాష్ట్రలో 80గంటల ప్రభుత్వంలో అదానీ పాత్రపైనే అంతా ఫోకస్ పెట్టారు. పూర్వ NCP అధినేత శరద్ పవార్ ఇందులో పాల్గొన్నారనే సంగతిపై శీతకన్నేశారు. శివసేనతో పేచీ వచ్చాక రాత్రికి రాత్రే ఫడ్నవీస్ CM, అజిత్ పవార్ DCMగా ప్రమాణం చేశారు. దీనికి ముందు జరిగిందే ఆ మీటింగ్. అందులో Sr పవార్ ఏం మాట్లాడారు? ముందు మోదీనెందుకు కలిశారు? కాకాకు అంతా తెలుసన్న అజిత్ ప్రశ్నలకు బదులేది?
News November 15, 2024
రుషికొండ ప్యాలెస్ చూస్తే నాకే కళ్లు తిరుగుతున్నాయి: సీఎం
AP: గత ప్రభుత్వం సంపద సృష్టించే ఒక్క పని కూడా చేయలేదని సీఎం చంద్రబాబు అసెంబ్లీలో విమర్శించారు. రూ.431 కోట్ల ప్రజాధనంతో రుషికొండ ప్యాలెస్ నిర్మించారని, దాన్ని చూస్తే తనకే కళ్లు తిరుగుతున్నాయని చెప్పారు. ‘రూ.700 కోట్లతో సర్వే రాళ్లపై బొమ్మలు వేసుకున్నారు. సాక్షికి రూ.400 కోట్ల ప్రకటనలు ఇచ్చారు. రూ.500 కోట్లు ఖర్చు చేసి ఉంటే రోడ్లు బాగయ్యేవి’ అని పేర్కొన్నారు.
News November 15, 2024
అల్లు అర్జున్ రెమ్యునరేషన్ రూ.300కోట్లు?
‘పుష్ప-2’ క్రేజ్ దృష్ట్యా ఈ సినిమాకు అల్లు అర్జున్ రూ.300కోట్ల రెమ్యునరేషన్ తీసుకుంటున్నట్లు టైమ్స్ ఆఫ్ ఇండియా పేర్కొంది. ఇది షారుఖ్, దళపతి విజయ్, ప్రభాస్ తీసుకుంటున్న దానికంటే ఎక్కువని తెలిపింది. దీంతో దేశంలోనే అత్యధిక పారితోషికం తీసుకున్న యాక్టర్‌గా ఐకాన్ స్టార్ నిలిచారని వివరించింది. DEC5న థియేటర్లలోకి రాబోతున్న ‘పుష్ప-2కు’ నార్త్‌లో భారీగా కలెక్షన్స్ వస్తాయని సినీ వర్గాలు అంచనా వేస్తున్నాయి.