News October 14, 2024

9/11 తరహా దాడులకు హమాస్ కుట్ర?

image

ఇజ్రాయెల్‌పై 9/11 తరహా దాడులకు హమాస్ కుట్ర పన్నినట్లు IDF తెలిపింది. ఈ కుట్రకు సంబంధించిన రికార్డులను ఖాన్ యూనిస్‌లోని హమాస్ కమాండ్ సెంటర్ నుంచి స్వాధీనం చేసుకున్నట్లు పేర్కొంది. టెల్ అవీవ్‌లోని 70 అంతస్తుల భవనం మోషే అవివ్, ఇజ్రాయెల్ టవర్లను నేలమట్టం చేసేందుకు ప్లాన్ చేసినట్లు వెల్లడించింది. ఈ రికార్డుల్లో ఇరాన్ ప్రతినిధులతో హమాస్ చీఫ్ యాహ్యా సిన్వర్ జరిపిన సంభాషణలు కూడా ఉన్నట్లు తెలిపింది.

Similar News

News November 29, 2025

కృష్ణా: కంటైనర్‌లతో ధాన్యం రవాణా.!

image

జిల్లాలో ధాన్యం సేకరణ కొనసాగుతున్నప్పటికీ రవాణా వాహనాల లభ్యత లేక రైతులు తీవ్రంగా ఇబ్బందులు పడుతున్నారు. సాధారణంగా ధాన్యాన్ని లారీలు, ట్రక్కుల ద్వారా స్టాక్ పాయింట్లకు తరలించే విధానాన్ని అనుసరించేవారు. అయితే ప్రస్తుతం ట్రాన్స్‌పోర్ట్ వాహనాలు అందుబాటులో లేకపోవడంతో వ్యవసాయ శాఖ అధికారులు ప్రత్యామ్నాయంగా కంటైనర్లలో రైతుల వద్ద నుంచి సేకరించిన ధాన్యాన్ని లోడింగ్ చేసి స్టాక్ పాయింట్లకు తరలిస్తున్నారు.

News November 29, 2025

ముగిసిన తొలి విడత నామినేషన్ల ప్రక్రియ

image

TG: తొలి విడత గ్రామపంచాయతీ ఎన్నికలకు నామినేషన్ల ప్రక్రియ ముగిసింది. మొత్తంగా రెండు రోజుల్లో సర్పంచ్‌ స్థానాలకు 8,198 నామినేషన్లు, 11,502 వార్డు మెంబర్‌ నామినేషన్లు దాఖలు చేశారు. మొదటి దశలో 189 మండలాల్లోని 4,236 సర్పంచ్(గ్రామాలు), 37,440 వార్డు స్థానాలకు డిసెంబర్ 11న పోలింగ్, అదే రోజున లెక్కింపు జరగనుంది.

News November 29, 2025

మొబైల్‌ నంబర్ చాలు.. ఉచితంగా రూ.5 లక్షల వరకూ చికిత్స

image

ఆయుష్మాన్ భారత్ PMJAY పథకం ద్వారా ప్రతి కుటుంబానికి ఏడాదికి రూ.5 లక్షల వరకు ఉచిత చికిత్స లభిస్తుంది. ఇందుకు ఆయుష్మాన్ కార్డు ఉండాలి. ఆధార్‌కు లింక్ అయిన మొబైల్ నంబర్‌తో కార్డును సులభంగా డౌన్‌లోడ్‌ చేసుకోవచ్చు. beneficiary.nha.gov.in, ఆయుష్మాన్ యాప్ లేదా DigiLocker ద్వారా లాగిన్‌ అవ్వాలి. అనంతరం కుటుంబ సభ్యుడిని సెలక్ట్ చేసుకుని కార్డు డౌన్‌లోడ్ చేసుకోవచ్చు. కార్డు డౌన్‌లోడ్ పూర్తిగా ఉచితం.