News January 2, 2025
హ్యాపీ ఇంట్రోవర్ట్స్ డే!
కొత్త వారికి ఆమడ దూరం ఉంటూ, ఎవరితోనైనా మాట్లాడేందుకు కొందరు జంకుతుంటారు. ఇంటికి బంధువులొస్తే వారితో ఎలా మాట కలపాలి? ఏమడగాలో తెలియక సైలెంట్గా ఉండిపోతారు. ఇలా ప్రతిదానికి మొహమాటపడే వారినే ఇంట్రోవర్ట్ అంటారు. ఏటా JAN 2న ‘ఇంట్రోవర్ట్ డే’ని జరుపుకుంటారు. కోపమొచ్చినా, సంతోషమొచ్చినా, ఏడ్పొచ్చినా లోలోపలే తమ భావాలను వ్యక్తపరుచుకునే ఇలాంటి వారు ఎంతోమంది ఉన్నారు. ఇంతకీ మీరూ ఇంట్రోవర్టేనా?
Similar News
News January 16, 2025
క్రెడిట్ కార్డు యూజర్లకు పోలీసుల సూచనలు
క్రెడిట్ కార్డు యూజర్లను మోసం చేసేందుకు సైబర్ నేరగాళ్లు కొత్త ఎత్తుగడను ఎంచుకున్నారు. క్రెడిట్ కార్డు రివార్డ్ పాయింట్లపై బంపర్ ఆఫర్ అంటూ మెసేజ్లు పంపుతున్నారు. అలాంటి వాటితో జాగ్రత్తగా ఉండాలని, బ్యాంకుల పేరిట వచ్చే మెసేజ్లను ఒకటికి రెండు సార్లు సరిచూసుకోవాలని TG పోలీసులు సూచించారు. రివార్డు పాయింట్ల కోసం APK ఫైల్స్ డౌన్లోడ్ చేయొద్దన్నారు. అత్యాశకు వెళ్తే అకౌంట్ ఖాళీ అవుతుందని హెచ్చరించారు.
News January 16, 2025
BREAKING: భారీ ఎన్కౌంటర్.. 12 మంది మావోలు మృతి
ఛత్తీస్గఢ్ బీజాపూర్ జిల్లాలో మరోసారి భారీ ఎన్కౌంటర్ జరిగింది. ఎదురుకాల్పుల్లో 12 మంది మావోయిస్టులు మరణించినట్లు సమాచారం. బీజాపూర్, సుకుమా, దంతెవాడ జిల్లాల పోలీసులు జాయింట్ ఆపరేషన్ నిర్వహిస్తుండగా మావోలు ఎదురుపడ్డారు. దీంతో మధ్యాహ్నం నుంచి ఎదురుకాల్పులు జరుగుతున్నాయి. ఇటీవల మావోలు మందుపాతర పేల్చడంతో ఎనిమిది మంది పోలీసులు చనిపోయిన విషయం తెలిసిందే.
News January 16, 2025
జారిపడ్డ పోప్.. చేతికి గాయం
పోప్ ఫ్రాన్సిస్ గాయపడ్డట్లు వాటికన్ సిటీ అధికారులు తెలిపారు. శాంటా మార్టాలోని తన నివాసంలో ఆయన ప్రమాదవశాత్తు జారి పడటంతో మోచేతికి గాయమైనట్లు వెల్లడించారు. అయితే ఎలాంటి బోన్ ఫ్రాక్చర్ కాలేదని, గాయం కావడంతో వైద్యులు కట్టు కట్టినట్లు పేర్కొన్నారు. కాగా గడిచిన రెండు నెలల్లో పోప్ గాయపడటం ఇది రెండోసారి. ఇటీవల ఆయన బెడ్ పైనుంచి కింద పడటంతో దవడకు దెబ్బ తగిలింది.