News December 31, 2024
KTR పిటిషన్పై హైకోర్టులో విచారణ
TG: తనపై నమోదైన ACB కేసు కొట్టేయాలంటూ మాజీ మంత్రి KTR దాఖలు చేసిన క్వాష్ పిటిషన్ను హైకోర్టు విచారించింది. కేసులో ఆరోపణలు ఏంటని ప్రభుత్వ న్యాయవాదిని కోర్టు ఈ సందర్భంగా ప్రశ్నించింది. నిబంధనలకు విరుద్ధంగా డబ్బు చెల్లించారని, ACB చట్టం, నేరపూరిత కుట్ర సెక్షన్లు పెట్టినట్లు PP కోర్టుకు వివరించారు. ప్రజాధనం దుర్వినియోగం చేశారని KTRపై కేసు నమోదు చేసినట్లు తెలిపారు.
Similar News
News December 5, 2025
MBNR: యువకులకు ఉచిత శిక్షణ.. ఫోన్ చేయండి
ఉమ్మడి మహబూబ్నగర్ జిల్లాలోని గ్రామీణ యువకులకు SBI, RSETI ఆధ్వర్యంలో ఉచిత శిక్షణ ఇస్తున్నట్లు ఆ సంస్థ డైరెక్టర్ జి.శ్రీనివాస్ ‘Way2News’కు తెలిపారు. బైక్ మెకానిక్, సెల్ఫోన్ కోర్సులలో ఈనెల 23 నుంచి ఉచిత శిక్షణ ప్రారంభం అవుతుందన్నారు. 19-45లోపు ఉండాలని, SSC MEMO, రేషన్, ఆధార్, కుల ధ్రువీకరణ పత్రం, 3 ఫొటోలతో ఈనెల 22లోగా దరఖాస్తులు చేసుకోవాలన్నారు. వివరాలకు 98481 42489 సంప్రదించాలన్నారు. #SHARE IT.
News December 5, 2025
నటుడు క్యారీ-హిరోయుకి తగావా కన్నుమూత
హాలీవుడ్ నటుడు క్యారీ-హిరోయుకి తగావా(75) కన్నుమూశారు. స్ట్రోక్ సంబంధిత సమస్యలతో ఆయన చనిపోయినట్లు అంతర్జాతీయ మీడియా పేర్కొంది. జపాన్లో జన్మించిన ఆయన అమెరికన్, రష్యన్ యాక్టర్గా గుర్తింపు పొందారు. మోర్టల్ కోంబాట్, ది లాస్ట్ ఎంపరర్, లైసెన్స్ టు కిల్, ది మ్యాన్ ఇన్ ది హై కాజిల్, లాస్ట్ ఇన్ స్పేస్ వంటి సినిమాలు, సిరీస్లతో పాపులర్ అయ్యారు. విలన్ పాత్రల్లో ఎక్కువగా కనిపించారు.
News December 5, 2025
స్క్రబ్ టైఫస్ వ్యాధిని ఈ లక్షణాలతో గుర్తించండి
AP: స్క్రబ్ టైఫస్ను వ్యాప్తి చేసే చిగ్గర్ పురుగు మనిషిని కుట్టినచోట నల్లని మచ్చ, దద్దుర్లు ఏర్పడతాయి. తర్వాత తీవ్రమైన జ్వరం, చలి, ఒళ్లు నొప్పులు ఉంటాయి. తలనొప్పి, అలసట, వాంతులు, విరేచనాలు లక్షణాలు కనిపిస్తాయి. సకాలంలో గుర్తించి చికిత్స అందించకపోతే ఊపిరితిత్తులు, కిడ్నీలు, మెదడు, కాలేయం, ఇతర అవయవాలపై ప్రభావం చూపి రోగి క్రమంగా కోమాలోకి వెళ్లే ప్రమాదం ఉంది. ఇది అంటువ్యాధి కాదని వైద్యులు తెలిపారు.