News September 11, 2024
కాఫీతో గుండెజబ్బుల ముప్పు
ఆహారం మితంగా తింటే అమృతం. అపరిమితంగా తింటే విషం. కాఫీ విషయంలోనూ ఇదే నిజం. ఎక్కువ రోజులు 400mg మించి కెఫిన్ తీసుకుంటే గుండె జబ్బులు వస్తాయని ACC రీసెర్చ్ పేర్కొంది. ఇది 4 కప్పుల కాఫీ, 2 ఎనర్జీ డ్రింక్స్, 10 సీసాల సోడాకు సమానమంది. ఇతర డ్రింక్స్‌లో కలిపి కెఫిన్ తీసుకున్నా ఒక్కసారిగా బీపీ పెరిగి హార్ట్ ఎటాక్, హార్ట్ ఫెయిల్యూర్, హార్ట్ స్ట్రోక్ వచ్చే ప్రమాదముందని కార్డియాలజిస్ట్ జేసన్ హాపర్ అన్నారు.
Similar News
News October 11, 2024
ముగిసిన మద్యం దుకాణాల దరఖాస్తు గడువు
AP: రాష్ట్రంలో మద్యం దుకాణాలకు దరఖాస్తుల గడువు నేటితో ముగిసింది. ఇప్పటివరకు మొత్తం 90 వేలకుపైగా అప్లికేషన్లు వచ్చినట్లు తెలుస్తోంది. దరఖాస్తుల ద్వారా రూ.1,800 కోట్ల ఆదాయం వచ్చినట్లు సమాచారం. ఈ నెల 14న లాటరీ తీసి విజేతలను నిర్ణయిస్తారు. 15నాటికి దుకాణాన్ని వారికి అప్పగిస్తారు. 16 నుంచి నూతన మద్యం విధానం అమలులోకి వస్తుంది. కాగా రాష్ట్రంలో 3,396 వైన్ షాపులు ఉన్నాయి.
News October 11, 2024
దేవర-2పై డైరెక్టర్ క్రేజీ కామెంట్స్
దేవర-2లో నటీనటులపై డైరెక్టర్ కొరటాల శివ ఆసక్తికర కామెంట్స్ చేశారు. ఈ చిత్రంలో రణ్‌వీర్ సింగ్, రణ్‌బీర్ కపూర్ ఉంటే బాగుంటుందని ఓ ఇంటర్వ్యూలో చెప్పారు. అయితే అది జరుగుతుందో లేదో తెలియదన్నారు. బాలీవుడ్ స్టార్లను అతిథి పాత్రలకు తీసుకోవడం తనకు ఇష్టముండదని, ముఖ్యమైన క్యారెక్టర్‌‌లే ఇస్తానని పేర్కొన్నారు. నటించబోయే వారి వివరాలను త్వరలోనే పాత్రలవారీగా వెల్లడిస్తామని తెలిపారు.
News October 11, 2024
Jobs Info: ఆఫర్ లెటర్స్ పంపడం ఆపేస్తున్న ఇన్ఫోసిస్
Infosys హైరింగ్ ప్రాసెస్ మొత్తం మార్చేస్తోందని సమాచారం. జాబ్ ఆఫర్లు, అటాచ్‌మెంట్లను ఈ-మెయిళ్లకు పంపించదు. ఇకపై ఉద్యోగార్థులే కంపెనీ ఇంటర్నల్ సిస్టమ్స్‌లో లాగినై అప్లికేషన్‌ డీటెయిల్స్‌ను యాక్సెస్ చేసుకోవాల్సి ఉంటుంది. మోసాలు, స్కామ్‌లు జరగకుండా, హైరింగ్ ప్రాసెస్‌ను మరింత సౌకర్యంగా మార్చేందుకు ఈ నిర్ణయం తీసుకుంది. https://career.infosys.com/offerValidationలోనే ఆఫర్ లెటర్లు ఇవ్వనుంది.