News November 18, 2024
వేములవాడ అభివృద్ధికి భారీగా నిధుల విడుదల
TG: ఎల్లుండి సీఎం రేవంత్ పర్యటన నేపథ్యంలో వేములవాడకు రాష్ట్ర ప్రభుత్వం భారీగా నిధులు విడుదల చేసింది. ఆలయ అభివృద్ధి పనులకు రూ.127.65 కోట్ల నిధులు మంజూరు చేసింది. ఆలయ కాంప్లెక్స్ విస్తరణ, భక్తులకు ఆధునాతన సదుపాయాల కోసం రూ.76 కోట్లు, ఆలయం నుంచి మూల వాగు బ్రిడ్జి వరకు రోడ్డు విస్తరణ, భూసేకరణకు రూ.47.85 కోట్లు, స్థానికంగా మేజర్ డ్రైన్ నిర్మాణానికి రూ.3.8 కోట్లు మంజూరు చేసినట్లు పేర్కొంది.
Similar News
News November 18, 2024
TTD పాలకమండలి మరిన్ని నిర్ణయాలు
* TTD ఖాతాకు శ్రీవాణి ట్రస్ట్ అకౌంట్ అనుసంధానం
* 2,3గంటల్లో సర్వదర్శనం అయ్యేలా చర్యలు
* తిరుమలకు టూరిజం ప్యాకేజీలన్నీ రద్దు
* తిరుపతి ఫ్లై ఓవర్‌కు గరుడ వారధి పేరు పునరుద్ధరణ
* TTDలోని అన్యమత ఉద్యోగులకు VRS, లేదంటే బదిలీ
* తిరుపతి వాసులకు ప్రతినెలా తొలి మంగళవారం దర్శనం
* అన్నప్రసాదంలో కొత్త పదార్థాలు
* ప్రైవేట్ బ్యాంకుల్లోని TTD నగదు ప్రభుత్వ బ్యాంకుల్లోకి బదిలీ
* ముంతాజ్ హోటల్ అనుమతి రద్దు
News November 18, 2024
మణిపుర్ మంటలు: కశ్మీర్ దారిలో వెళ్లనున్న కేంద్రం!
<<14644158>>మణిపుర్‌లో<<>> శాంతి స్థాపనకు కేంద్రం జమ్మూకశ్మీర్ స్ట్రాటజీని అమలు చేయనుందని సమాచారం. ఇందుకోసం ఏడాది గడువు నిర్దేశించుకున్నట్టు తెలుస్తోంది. ఇందులో భాగంగా కొత్త సీఎంను నియమించడం లేదా రాష్ట్రపతి పాలన విధించొచ్చని విశ్లేషకులు అంటున్నారు. ముందు కుకీ మిలిటెన్సీ అనుకూల అధికారుల్ని గుర్తించి వ్యవస్థను ప్రక్షాళన చేయనుంది. సాయుధ బలగాలతో కుకీ టెర్రరిస్టులను ఏరేస్తూ మయన్మార్‌ బోర్డర్‌ను పటిష్ఠంగా మార్చనుంది.
News November 18, 2024
పాక్ ODI టీమ్ హెడ్‌కోచ్‌గా అకీబ్
పాకిస్థాన్ వన్డే జట్టుకు నెలలోనే మూడో హెడ్ కోచ్ వచ్చారు. ఆ స్థానంలో మాజీ ఆల్‌రౌండర్ అకీబ్ జావేద్‌ను నియమించినట్లు PCB ప్రకటించింది. మేనేజ్‌మెంట్, ఆటగాళ్లతో విభేదాలతో గత నెల 28న ODI జట్టు కోచ్ పదవికి గ్యారీ కిర్‌స్టెన్ రాజీనామా చేసిన విషయం తెలిసిందే. ఆయన స్థానంలో తాత్కాలిక కోచ్‌గా గిలెస్పీని ఎంపిక చేసింది. ఇప్పుడు ఆయననూ తప్పించి అకీబ్‌కు ఛాన్స్ ఇచ్చింది. ఈయన పాక్ తరఫున 163 ODIలు, 22 టెస్టులు ఆడారు.