News January 4, 2026
HYD: లవర్ మోజులో.. భర్తను చంపేసింది
మహిళ, ప్రియుడితో కలిసి భర్తను హత్య చేసిన ఘటన నగరంలో కలకలం రేపింది. పోలీసుల ప్రకారం.. ఒడిశాకు చెందిన ప్లంబర్ నారాయణ (35) భార్య బంధిత (27), కుమార్తె (6)తో మల్లాపూర్లో నివాసం ఉంటున్నాడు. విద్యాసాగర్ అనే వ్యక్తితో వివాహేతర బంధం పెట్టుకున్న ఆమె, అడ్డొస్తున్నాడని లవర్తో కలిసి రాడ్డుతో కొట్టి చంపింది. కేసు నమోదు చేసిన పోలీసులు 24 గంటల్లోనే ఛేదించారు. పోలీసుల విచారణలో భార్య నేరాన్ని అంగీకరించింది.
Similar News
News January 5, 2026
HYD: JAN 5- 12 మధ్య కోల్డ్ వేవ్ 2.0
నగరం, శివారులో కొన్ని రోజులుగా మంచు తీవ్రంగా కురుస్తున్నా చలి నుంచి కాస్త ఉపశమనం లభించింది. అయితే రేపటి నుంచి మళ్లీ చలి పంజా విసరనుందని అధికారులు చెబుతున్నారు. JAN 5- 12 వరకు 2వ Coldwave 2.0 ఉంటుందని హెచ్చరికలు జారీ అయ్యాయి. ఈ సీజన్ డిసెంబర్లో నమోదైన అత్యల్ప ఉష్ణోగ్రతలే మళ్లీ నమోదయ్యే ఛాన్స్ ఉందని తెలపారు. పగటిపూటే 25-26°Cకి పడిపోతాయని అంచానా వేశారు. ఈ వారం రోజులు నగరవాసులు జాగ్రత మరి.
News January 5, 2026
HYDలో వాటర్ ప్రాబ్లమా? కాల్ చేయండి
నీటి సరఫరా సమస్యలపై స్పందించిన HMWSSB అధికారులు, ప్రజలు ఇబ్బందులు ఎదుర్కొంటే వెంటనే ఫిర్యాదు చేయాలని సూచించారు. 24×7 కస్టమర్ కేర్ నంబర్లు 155313, 040-23300114కు కాల్ చేయొచ్చని తెలిపారు. అలాగే నీటి సరఫరా, తాగునీరు, డ్రైనేజీ సమస్యల కోసం 99499 30003కు వాట్సాప్ మెసేజ్ పంపితే సంబంధిత సిబ్బంది త్వరితగతిన స్పందించి సమస్యను పరిష్కరిస్తారన్నారు.
News January 5, 2026
HYD: సంక్రాంతికి సొంతూళ్లకు వెళ్తున్నారా.. జాగ్రత్త!
సంక్రాంతికి ఊర్లకు వెళ్లే HYD నగర ప్రజలు అప్రమత్తంగా ఉండాలని సీపీ సజ్జనార్ సూచించారు. ఇళ్లకు తాళం వేసేవారు తప్పనిసరిగా స్థానిక పోలీసులకు సమాచారం ఇవ్వాలని కోరారు. విలువైన నగలు, నగదును ఇళ్లలో ఉంచకుండా జాగ్రత్త పడాలన్నారు. నేరాల నియంత్రణకు పౌరుల సహకారం కీలకమని, ఏదైనా అత్యవసరమైతే వెంటనే ‘డయల్ 100’ను సంప్రదించాలని స్పష్టం చేశారు. పండుగ పూట దొంగతనాల నివారణకు పోలీసులు గస్తీ ముమ్మరం చేశారని తెలిపారు.