News June 28, 2024
‘నేను రికార్డుల్లో ఉండటం కాదు.. రికార్డులే నా పేరు మీద ఉంటాయి’
T20WC-2024లో రోహిత్ శర్మ అదరగొడుతున్నారు. కెప్టెన్సీతో పాటు బ్యాటింగ్‌లో మెరుపులు మెరిపిస్తూ జట్టుకు విజయాలను అందిస్తున్నారు. ఈ మెగాటోర్నీలో ఇండియా తరఫున అత్యధిక రన్స్, స్కోర్, స్ట్రైక్ రేట్, ఎక్కువ హాఫ్ సెంచరీలు, ఫోర్లు, సిక్సర్లు.. ఇలా అన్ని రికార్డులూ తన పేరిట లిఖించుకున్నారు. మరో 33 రన్స్ చేస్తే అఫ్గాన్ ప్లేయర్ గుర్బాజ్‌ను దాటేసి ఈ WCలో అత్యధిక రన్స్ చేసిన బ్యాటర్‌గా నిలుస్తారు రోహిత్.
Similar News
News December 12, 2024
ఇలాంటి వెడ్డింగ్ కార్డును చూసుండరు!
వినూత్నంగా రూపొందించిన ఓ శుభలేఖ వైరలవుతోంది. ఇందులో వధువు, వరుడు పేరుకు బదులు శర్మాజీ కూతురితో గోపాల్ జీ కొడుకు వివాహం అని రాశారు. టింకూ పరీక్షలు జనవరి 5న పూర్తవుతుండటంతో అదేరోజు పెళ్లి జరుగుతుందని ముహూర్తం గురించి రాసుకొచ్చారు. పెళ్లికి వచ్చేవారు గిఫ్టులు తేవొద్దని, కేవలం క్యాష్, గూగుల్ పే ద్వారా డబ్బును పంపాలని సూచించారు. ఫుడ్ గురించి చెప్తూ రూ.2000కు ఓ ప్లేట్ అని, వేస్ట్ చేయొద్దని కోరారు.
News December 12, 2024
ఉపాధి కల్పించే రాజధానిగా అమరావతి: సీఎం చంద్రబాబు
AP: అమరావతి ప్రజా రాజధాని అని, యువతకు ఉపాధి కల్పించే ప్రాంతంగా తీర్చి దిద్దుతామని రెండో రోజు కలెక్టర్ల సదస్సులో సీఎం చంద్రబాబు తెలిపారు. విశాఖ, తిరుపతి, అమరావతిపై ప్రత్యేక ఫోకస్ ఉంటుందన్నారు. ఐదేళ్లలో 20 లక్షల ఉద్యోగాలను కల్పించే లక్ష్యంతో పనిచేస్తున్నామని, యువతలో నైపుణ్యాభివృద్ధికి ప్రత్యేక శ్రద్ధ తీసుకోవాలని అధికారులను ఆదేశించారు. అమరావతిలో రూ.20,500 కోట్లతో అభివృద్ధి పనులు చేపడుతున్నామన్నారు.
News December 12, 2024
90 ఏళ్ల వయసులో డిగ్రీ పూర్తి చేసిన వృద్ధురాలు
డిగ్రీ పూర్తి చేయాలనే సంకల్పం ముందు వృద్ధాప్యం చిన్నబోయింది. అమెరికాలోని న్యూ హాంప్‌షైర్‌కు చెందిన 90ఏళ్ల రాబర్జ్ న్యూ హాంప్‌షైర్ కాలేజీ నుంచి డిగ్రీ పట్టా పొందారు. ఏదైనా ప్రారంభిస్తే దానిని పూర్తిచేసే వరకూ నిద్రపోనని ఆమె చెప్తున్నారు. ఆమె ఇదివరకు సమీపంలోని పాఠశాలలో మధ్యాహ్న భోజనం వండటంతో పాటు బీమా ఏజెంట్‌గా పనిచేసేవారు. ఆమెకు ఐదుగురు పిల్లలుండగా 12 మంది మనవళ్లు, 15 మంది మునిమనవళ్లు ఉన్నారు.