News December 18, 2024
రిటైర్మెంట్ గురించి చెప్పడంతో భావోద్వేగానికి లోనయ్యా: కోహ్లీ
అశ్విన్ రిటైర్మెంట్పై విరాట్ కోహ్లీ స్పందించారు. ‘14 ఏళ్లుగా నీతో ఆడుతున్నా. రిటైర్ అవుతున్నట్లు నాతో చెప్పడంతో భావోద్వేగానికి లోనయ్యా. నీతో ఆడిన రోజులన్నీ ఒక్కసారిగా గుర్తొచ్చాయి. నీతో ఆడిన ప్రతిసారి నేను గేమ్ను ఆస్వాదించా. భారత క్రికెట్కు నైపుణ్యంతో కూడిన మ్యాచ్ విన్నింగ్ సహకారం మరువలేనిది. నువ్వు ఎప్పటికీ భారత క్రికెట్ లెజెండ్గా గుర్తుండిపోతావు. ధన్యవాదాలు మిత్రమా’ అని ట్వీట్ చేశారు.
Similar News
News January 24, 2025
Stock Markets: ఓపెనింగ్కు సానుకూల సంకేతాలు..
స్టాక్మార్కెట్లు పాజిటివ్గా మొదలవ్వొచ్చు. గ్లోబల్ మార్కెట్ల నుంచి సానుకూల సంకేతాలు అందుతున్నాయి. గిఫ్ట్నిఫ్టీ 45PTS మేర పెరగడం దీనినే సూచిస్తోంది. డాలర్ ఇండెక్స్, ట్రెజరీ బాండు యీల్డుల పెరుగుదల ఆందోళన కలిగిస్తోంది. ఐటీ సహా మేజర్ కంపెనీల నుంచి మద్దతు లభిస్తే నిఫ్టీ 23,200 పైస్థాయిలో నిలదొక్కుకోవచ్చు. నేడు JSW Steel, HPCL, BOI, DLF, AUSFB, FED BANK, LAURUS LAB, SRIRAM FIN ఫలితాలు విడుదలవుతాయి.
News January 24, 2025
కత్తిపోట్ల వల్ల పట్టు తప్పాను: పోలీసులతో సైఫ్
తనపై కత్తిదాడి కేసులో యాక్టర్ సైఫ్ అలీఖాన్ పోలీసులకు స్టేట్మెంట్ ఇచ్చారు. ‘కరీనా, నేనూ 11వ ఫ్లోర్లో ఉన్నాం. సడన్గా అరుపులు వినిపించడంతో జే రూమ్కు వెళ్లాం. అతను ఏడుస్తున్నాడు. అక్కడెవరో ఉన్నట్టు గమనించి పట్టుకొనేందుకు ప్రయత్నించా. ఆగంతకుడి కత్తిపోట్ల వల్ల నా పట్టు తప్పింది. వెంటనే జేను వేరే గదిలోకి తీసుకొచ్చాం. ఆ తర్వాత ఇంట్లోవాళ్లు రూ.కోటి డిమాండ్ గురించి చెప్పారు’ అని ఆయన వివరించారు.
News January 24, 2025
నిరుద్యోగులకు ప్రభుత్వం శుభవార్త
TG: ప్రైవేటు ఉద్యోగ వేటలో ఉన్న నిరుద్యోగుల కోసం ప్రభుత్వం ‘డీట్’ యాప్ తెచ్చింది. AIతో పనిచేసే దీన్ని డౌన్లోడ్ చేసుకుని విద్యార్హత, స్కిల్స్ ఎంటర్ చేస్తే రెజ్యుమే తయారవుతుంది. పార్ట్టైమ్, ఫుల్టైమ్, వర్క్ ఫ్రం హోంతో పాటు ఇంటర్న్షిప్ ఆప్షన్స్ ఉంటాయి. ఐటీ, ఆటోమొబైల్స్, ఫార్మా, ఎడ్యుకేషన్, హెల్త్కేర్ తదితర కంపెనీలు ఇందులో రిజిస్టరై ఉండగా వాటికి కావాల్సినవారి రెజ్యుమేలను యాప్ రిఫర్ చేస్తుంది.