News February 9, 2025
రోజుకు 2-3 గంటలే నిద్రపోతా: సల్మాన్ ఖాన్
తాను రోజుకు 2-3 గంటలే నిద్రపోతానని బాలీవుడ్ హీరో సల్మాన్ ఖాన్ తెలిపారు. నెలలో 2-3 సార్లు మాత్రమే 7-8 గంటలు నిద్రపోతానని తన తమ్ముడి కొడుకు అర్హాన్ ఖాన్ పాడ్కాస్ట్లో చెప్పారు. ‘షూటింగ్ గ్యాప్లో కూడా చిన్న కునుకు తీస్తా. విమానం కుదుపులకు గురైనా హాయిగా నిద్రపోతా. జైలులో ఉన్నప్పుడు మాత్రం నిద్రకు ఎక్కువ సమయం కేటాయించా’ అని చెప్పుకొచ్చారు. కాగా సల్మాన్ ప్రస్తుతం ‘సికందర్’ సినిమాలో నటిస్తున్నారు.
Similar News
News December 25, 2025
నష్టాల నుంచి సక్సెస్ వైపు అడుగులు
తొలి ప్రయత్నంతో నష్టంతో ఉదయ్ కుంగిపోలేదు. కృషి విజ్ఞాన కేంద్రం, యూట్యూబ్ నుంచి డ్రిప్ ఇరిగేషన్, మల్చింగ్, అంతర పంటల సాగు, హైబ్రిడ్ వెరైటీలను ఆధునిక పద్ధతుల్లో పెంచడంపై శిక్షణ పొందారు. ప్రధాన మంత్రి కృషి సంచాయీ యోజన కింద డ్రిప్ ఇరిగేషన్ ఏర్పాటుకు ప్రభుత్వం నుంచి 90% సబ్సిడీ వచ్చింది. దీంతో డ్రిప్, మల్చింగ్ ఏర్పాటు చేసి 20 ఎకరాల్లో మిరప, టమాటా, క్యాబేజీ, బఠాణీ, ఇతర కూరగాయల పంటల సాగు చేపట్టారు.
News December 25, 2025
పోలవరానికి గోదావరి పుష్కరాలే టార్గెట్: PPA సీఈవో
AP: పోలవరం ప్రాజెక్టును 2027 జూన్ నాటికి పూర్తి చేయాలని PPA సీఈవో యోగేశ్ స్పష్టం చేశారు. పునరావాస గ్రామాల్లో పర్యటించి మౌలిక వసతులు, పరిహారంపై ఆరా తీశారు. అనంతరం ప్రాజెక్టు వద్ద డయాఫ్రంవాల్, బట్రస్ డ్యామ్, కుడి, ఎడమ కాలువ పనులను చూసి సంతృప్తి వ్యక్తం చేశారు. గోదావరి పుష్కరాల నాటికి పనులను పూర్తిచేసే లక్ష్యంతో ప్రణాళికలు రూపొందించుకుని ముందుకెళ్లాలని అధికారులకు సూచించారు.
News December 25, 2025
రోజూ రూ.15 వేలు.. మిరప నుంచే రూ.10 లక్షలు
మొత్తం 20 ఎకరాలకుగాను ఉదయ్ కుమార్ 4 ఎకరాల్లో మిరప, 6 ఎకరాల్లో టమాటా, 1 ఎకరంలో క్యాబేజి, అర ఎకరంలో బఠాణీ పండిస్తున్నారు. మిగిలిన భూమిలో ఆకుకూరలు, కూరగాయలను సాగు చేస్తున్నారు. కేవలం మిరప పంట ద్వారానే ఈ ఏడాది ఇప్పటి వరకు 21 టన్నుల దిగుబడిని సాధించి రూ.10 లక్షలకు పైగా ఆదాయాన్ని పొందారు. ఇలా మిరప సహా ఇతర పంటల నుంచి రోజూ రూ.10వేలు నుంచి రూ.15వేలు ఆదాయం పొందుతూ ఇతర రైతులకు ఆదర్శంగా నిలుస్తున్నారు ఉదయ్.