News July 22, 2024

నన్ను బోనులో బంధించారు: ఇమ్రాన్ ఖాన్

ఎనిమిది అడుగుల పొడవు, ఏడడుగుల వెడల్పు ఉన్న బోనులో తనను బంధించి హింసిస్తున్నారని పాక్ మాజీ PM ఇమ్రాన్ ఖాన్ ఆవేదన వ్యక్తం చేశారు. జైలు నుంచే ఓ బ్రిటిష్ పత్రికకు ఆయన ఇంటర్వ్యూ ఇచ్చినట్లు డాన్ పత్రిక తెలిపింది. ‘కనీసం కదలడానికి కూడా చోటు లేదు. ఖైదీలకు ఉండే ప్రాథమిక హక్కులూ లేవు. ఉగ్రవాదిలా చూస్తున్నారు’ అని ఆయన వాపోయారంది. కాగా పలు కేసుల్లో నిందితుడిగా ఉన్న ఇమ్రాన్ రావల్పిండి జైల్లో ఖైదీగా ఉన్నారు.