News September 8, 2024
అన్నమయ్య డ్యామ్ కొట్టుకుపోతే విందులు చేసుకున్నావ్: టీడీపీ
AP: అన్నమయ్య డ్యామ్ కొట్టుకుపోయి 50 మంది చనిపోతే మాజీ CM జగన్ హైదరాబాద్‌లో విందులు, వినోదాల్లో మునిగితేలారని టీడీపీ ఆరోపించింది. ప్రజలను నువ్వు ఆదుకోవు, ఇతరులను ఆదుకోనివ్వవు అని ట్విటర్‌లో విమర్శించింది. ‘నీ అడ్రస్ గల్లంతు చేసిన ప్రజలపై కక్ష తీర్చుకుంటున్నావు. ఎప్పటికైనా లండన్‌లో స్థిరపడే నీకు మా రాష్ట్రం గురించి ఆలోచించే గుణం నీకెక్కడిది? నీదంతా కుళ్లు, కుతంత్రాలు, శవ రాజకీయాలు’ అని మండిపడింది.
Similar News
News November 29, 2025
పాలకు మంచి ధర ఎలా వస్తుంది?
సాధారణంగా పాలలో కొవ్వు, SNF(Solids Not Fat) ఆధారంగా ధరను నిర్ణయిస్తారు. ఇవి రెండూ ఎంత ఎక్కువగా ఉంటే పాలకు అంత ఎక్కువ ధర వస్తుంది. మనం ఎంచుకున్న పశువు బ్రీడ్ బట్టి ఇది ఆధారపడి ఉంటుంది. ఎక్కువ పాల దిగుబడినిచ్చే హోలిస్టిన్ ఫ్రీజియన్‌ పాలలో కొవ్వు 3.5%-3.7% మధ్యలో ఉంటుంది. అందుకే ఈ పాలకు ధర తక్కువ వస్తుంది. అదే జెర్సీ ఆవులు తక్కువ పాలిచ్చినా, ఫ్యాట్ 4-4.5గా ఉండటం వల్ల ఈ పాలకు మంచి ధర వస్తుంది.
News November 29, 2025
ఈ పంచ మంగళ్యాలే సుమంగళి చిహ్నాలు
నుదుట కుంకుమ, మెడలో పసుపు తాడు, తలలో పువ్వులు, చేతులకు గాజులు, కాళ్లకు మెట్టెలు.. ఈ ఐదింటిని పంచ మంగళ్యాలు అని అంటారు. వివాహమైన స్త్రీలు ఈ ఐదింటిని కచ్చితంగా ధరించాలని మన శాస్త్రాలు చెబుతున్నాయి. ఇవి భర్త దీర్ఘాయుష్షును, సౌభాగ్యాన్ని సూచిస్తాయి. భార్య ఈ ఐదింటినీ ధరిస్తే.. ఆ ఇంట్లో లక్ష్మీ కటాక్షం ఉంటుందని, సకల శుభాలు కలుగుతాయని, సానుకూల శక్తి ప్రవహిస్తుందని నమ్మకం. SHARE IT
News November 29, 2025
‘కమ్.. జాయిన్ ది రైజ్’.. గ్లోబల్ సమ్మిట్‌కు ఆహ్వానాలు
TG: భారీ పెట్టుబడులే టార్గెట్‌గా DEC 8,9 తేదీల్లో అత్యంత ప్రతిష్ఠాత్మకంగా నిర్వహించనున్న గ్లోబల్ సమ్మిట్‌కు రాష్ట్ర ప్రభుత్వం 3వేల మంది ప్రముఖులకు ఆహ్వానం పంపింది. తెలంగాణ రైజింగ్-47 థీమ్‌తో ‘కమ్.. జాయిన్ ది రైజ్’ అంటూ సీఎం రేవంత్ పేరిట ఇన్విటేషన్లు ఇచ్చింది. ఈ వేడుకకు PM మోదీ కూడా హాజరయ్యే అవకాశం ఉంది. సదస్సు అనంతరం 13న దిగ్గజ ఫుట్‌బాల్ ప్లేయర్ మెస్సీతో HYDలో ఎగ్జిబిషన్ మ్యాచ్ నిర్వహించనుంది.