News December 9, 2024
రోహిత్ ఓపెనర్‌గా వచ్చి ఉంటే?
అడిలైడ్ టెస్టులో టీమ్‌ఇండియా ఘోర ఓటమి చవిచూసిన విషయం తెలిసిందే. తొలి టెస్టుకు దూరమైన కెప్టెన్ రోహిత్ రెండో టెస్టుకు అందుబాటులో ఉన్నా, ఓపెనింగ్ చేయలేదు. ఆ స్థానాన్ని రాహుల్‌కు ఇచ్చారు. లోయర్ ఆర్డర్‌లో బ్యాటింగ్ చేసిన రోహిత్ తొలి ఇన్సింగ్స్‌లో 3పరుగులు, రెండో ఇన్సింగ్స్‌లో 6పరుగులు చేసి ఔటయ్యారు. ఎప్పటి లాగే ఓపెనింగ్ చేసి ఉంటే ఫలితం మరోలా ఉండేదని క్రికెట్ విశ్లేషకులు అంటున్నారు. దీనిపై మీ కామెంట్.
Similar News
News November 30, 2025
రేపు అనకాపల్లి కలెక్టరేట్‌లో ప్రజా సమస్యల పరిష్కార వేదిక
అనకాపల్లి కలెక్టరేట్‌లో సోమవారం ప్రజా ఫిర్యాదుల పరిష్కార వేదిక ద్వారా ప్రజల నుంచి అర్జీలను స్వీకరిస్తామని కలెక్టర్ విజయకృష్ణన్ తెలిపారు. కలెక్టరేట్‌తో పాటు అన్ని మండల, డీవిజన్ కార్యాలయాల్లో కూడా ఫిర్యాదులు చేయవచ్చు అన్నారు. కార్యాలయాలకు రాలేనివారు మీ కోసం వెబ్ సైట్‌లో కూడా నమోదు చేయవచ్చని పేర్కొన్నారు. ఫిర్యాదుల పరిష్కార స్థితిని 1100 టోల్ ఫ్రీ నంబర్‌కు ఫోన్ చేసి తెలుసుకోవచ్చునన్నారు.
News November 30, 2025
ప్రముఖ కమెడియన్ కన్నుమూత
ప్రముఖ కన్నడ కమెడియన్ MS ఉమేశ్(80) కన్నుమూశారు. కొంతకాలంగా తీవ్ర అనారోగ్యంతో బాధపడుతున్న ఆయన పరిస్థితి విషమించడంతో ఇవాళ తుదిశ్వాస విడిచారు. 1960లో చైల్డ్ ఆర్టిస్టుగా ఇండస్ట్రీలోకి వచ్చిన ఉమేశ్ ఇప్పటివరకు 350కి పైగా చిత్రాల్లో నటించారు. 6 దశాబ్దాలపాటు కన్నడ పరిశ్రమకు సేవలందించారు. ఆయన మరణంపై కర్ణాటక డిప్యూటీ సీఎం డీకే శివకుమార్‌, కేంద్ర మంత్రి కుమారస్వామితోపాటు నటీనటులు నివాళులర్పించారు.
News November 30, 2025
సీఎం రేవంత్ పర్యటనను నిలిపివేయాలి: కవిత
TG: పంచాయతీ ఎన్నికల వేళ CM రేవంత్ జిల్లాల పర్యటనకు సిద్ధమవ్వడంపై MLC కవిత అభ్యంతరం తెలిపారు. ‘ప్రభుత్వ సొమ్ముతో ప్రచారమా? ఎన్నికలు గ్రామాల్లో ఉంటే CM జిల్లా కేంద్రాలకు వెళ్లి అభివృద్ధి కార్యక్రమాలకు శంకుస్థాపన చేస్తారట. ఇది ముమ్మాటికీ ఎన్నికల నిబంధనలను ఉల్లంఘించడమే. ఈ విషయంలో EC జోక్యం చేసుకుని CM పర్యటనను నిలిపివేయాలి’ అని ట్వీట్ చేశారు. ఈ విషయంపై కాసేపట్లో ఆమె ఈసీకి ఫిర్యాదు చేయనున్నారు.