News September 14, 2024
రేవంత్ను విమర్శిస్తే నాలుక కోస్తాం: జగ్గారెడ్డి
TG: సీఎం రేవంత్ను విమర్శిస్తే నాలుక కోస్తామని కాంగ్రెస్ వర్కింగ్ ప్రెసిడెంట్ జగ్గారెడ్డి BRS నేతలకు వార్నింగ్ ఇచ్చారు. అరెకపూడి గాంధీ – కౌశిక్ రెడ్డి వివాదం BRS పార్టీకి సంబంధించిన పంచాయితీ అన్నారు. కాంగ్రెస్ కార్యకర్తలను రెచ్చగొడుతూ, తమ జోలికి వస్తే ఊరుకోబోమని స్పష్టం చేశారు. హైదరాబాద్ ప్రశాంతంగానే ఉందని, పోలీసులు BRS నేతలను పట్టించుకోవాలా? ప్రజలను పట్టించుకోవాలా? అని జగ్గారెడ్డి ప్రశ్నించారు.
Similar News
News December 29, 2025
మాంజా వేలాడుతోంది.. జాగ్రత్త!
చైనా మాంజా యమపాశంగా మారుతోంది. సంక్రాంతి సమీపిస్తుండటంతో ఇప్పటినుంచే పిల్లలు, పెద్దలు పోటాపోటీగా గాలిపటాలు ఎగురవేస్తున్నారు. దీంతో తెగిపోయిన వాటికున్న మాంజా భవనాల మధ్యలో వేలాడుతోంది. ఇది గమనించకుండా దూసుకెళ్లడంతో బైకర్లు గాయపడుతున్నారు. అందుకే బైక్పై వెళ్లేటప్పుడు మెడకు కర్చీఫ్ కట్టుకోవడం, ఫుల్ హెల్మెట్ ధరించడం మేలు. బైకర్లు అప్రమత్తంగా ఉండాలి. మాంజా వాడకపోవడం మంచిది.
News December 29, 2025
మంత్రులు, MLAలు సిద్ధంగా ఉండాలి: CM
TG: నీళ్ల సెంటిమెంట్తో BRS తమపై అటాక్ చేయాలని చూస్తున్నట్లు సీఎం రేవంత్ రెడ్డి పేర్కొన్నారు. మంత్రులతో భేటీలో ఆయన కీలక వ్యాఖ్యలు చేశారు. ‘ప్రతిపక్ష నేతల విమర్శలు, ఆరోపణలను సమర్థంగా తిప్పి కొట్టాలి. JAN 1న సాయంత్రం 4 గం.కు ఎమ్మెల్యేలకు పవర్ పాయింట్ ప్రజెంటేషన్ ఉంటుంది. గత ప్రభుత్వం హయాంలో జరిగిన నదీ జలాలు, నీటి వాటాలపై జరిగిన తప్పిదాలపై మంత్రులు, ఎమ్మెల్యేలు అవగాహన పెంచుకోవాలి’ అని తెలిపారు.
News December 29, 2025
పోలీసులు చెబితే నేరం చేసినట్టా: ఐబొమ్మ రవి
TG: బెట్టింగ్ యాప్స్తో సంబంధాలు ఉన్నాయని తనపై వస్తున్న ఆరోపణలు అవాస్తవమని ఇమంది రవి చెప్పారు. నాంపల్లి కోర్టులో హాజరుపరిచిన తర్వాత మీడియాతో మాట్లాడారు. ‘నా పేరు ఐబొమ్మ రవి కాదు. ఇమంది రవి. పోలీసులు చెబితే నేరం చేసినట్టా. నేను ఎక్కడికీ పారిపోలేదు. కూకట్పల్లిలోనే ఉన్నాను. వేరే దేశంలో సిటిజన్షిప్ మాత్రమే తీసుకున్నాను. సరైన సమయంలో వాస్తవాలు బయటపెడతా. ఏదైనా కోర్టులోనే తేల్చుకుంటాను’ అని అన్నారు.