News March 12, 2025
చనిపోయిందనుకొని ఖననం చేస్తే.. చివరికి.!
మరణించిందని భావించి పూడ్చిపెట్టిన మహిళ తిరిగి లేచిన ఘటన USలో జరిగింది. 1915లో ఎస్సీ విలియమ్స్ మూర్ఛ వ్యాధితో చనిపోయిందనుకొని అంత్యక్రియలు కూడా పూర్తిచేశారు. అయితే, అంత్యక్రియలకు ఆలస్యంగా వచ్చిన తన సోదరి చివరి చూపు చూస్తానని శవపేటికను తెరవాలని కోరారు. దీంతో తవ్వి పేటిక తెరవగా ఆమె లేచి కూర్చొని నవ్వుతూ కనిపించారు. అది చూసిన వారంతా భయంతో పారిపోయారు. ఆ తర్వాత ఆమె మరో 47ఏళ్లు జీవించడం గమనార్హం.
Similar News
News February 8, 2026
మీరు వెజిటేరియన్సా? వీటితో ప్రొటీన్ డెఫీషియన్సీకి చెక్
3 టేబుల్ స్పూన్ల జనపనార గింజల(Hemp Seeds)తో 10గ్రా. ప్రొటీన్లు బాడీకి అందుతాయి. వీటిలో 9 రకాల అమైనో యాసిడ్స్, ఒమేగా-3 ఫ్యాటీ యాసిడ్స్, మెగ్నీషియం ఉంటాయి. 28గ్రా. గుమ్మడికాయ గింజల(Pumpkin Seeds)లో 7గ్రా. ప్రొటీన్ లభిస్తుంది. వీటిలోని జింక్ ప్రొటీన్ను ఉత్పత్తి చేస్తుంది. 28గ్రా. పొద్దుతిరుగుడు విత్తనాల(Sunflower Seeds)లో 6గ్రా. ప్రొటీన్ ఉంటుంది. వీటిలోని విటమిన్ E, మెగ్నీషియం కణాలను రక్షిస్తాయి.
News February 8, 2026
చిన్న వయసులోనే మెచ్యూర్ అయితే..
చిన్న వయసులోనే పీరియడ్స్ రావడం వల్ల అమ్మాయిలు శారీరకంగా, మానసికంగా ఎన్నో సమస్యలు ఎదుర్కొంటారని నిపుణులు చెబుతున్నారు. ముఖ్యంగా ఒంటరితనాన్ని అనుభవించే అవకాశం ఉంది. మెచ్యూర్ కారణంగా ఆందోళన, ఒత్తిడి, నిరాశ వంటి లక్షణాలు కనిపిస్తాయి. హార్మోన్ల మార్పుల కారణంగా నొప్పులు, టైప్-2 డయాబెటిస్, PCOS, మెటబాలిక్ సిండ్రోమ్ వంటి సమస్యలు వచ్చే ప్రమాదం పెరుగుతుందని హెచ్చరిస్తున్నారు.
News February 8, 2026
వచ్చే సంక్రాంతికి ‘సోగ్గాడే చిన్నినాయనా’ పార్ట్-3
కళ్యాణ్ కృష్ణ దర్శకత్వంలో నాగార్జున నటించిన ‘సోగ్గాడే చిన్నినాయనా’ 2016 సంక్రాంతికి విడుదలై హిట్టయిన సంగతి తెలిసిందే. దీనికి సీక్వెల్ ‘బంగార్రాజు’లో నాగార్జున, నాగచైతన్య నటించారు. ఆ మూవీ 2022 సంక్రాంతికి రిలీజై ఆకట్టుకుంది. ఇప్పుడు దానికి కొనసాగింపుగా మూడో పార్ట్ రానుంది. ‘వాసివాడి తస్సాదియ్యా.. 2027 JAN 15న సోగ్గాళ్లు వస్తే పండగ కలర్ఫుల్గా ఉంటుంది కదా’ అని అన్నపూర్ణ స్టూడియోస్ ట్వీట్ చేసింది.