News July 13, 2024
అలా చేస్తే అసెంబ్లీ ఎన్నికల్లో గెలుపు ఖాయం: కిషన్ రెడ్డి

TG: రాష్ట్రంలో కాంగ్రెస్ పాలనను ఎండగట్టి సమస్యలపై పోరాటం చేస్తే వచ్చే అసెంబ్లీ ఎన్నికల్లో బీజేపీ గెలుపు ఖాయమని కేంద్రమంత్రి కిషన్ రెడ్డి ధీమా వ్యక్తం చేశారు. స్థానిక సంస్థల ఎన్నికల్లో అనూహ్య ఫలితాలను సాధిస్తామని పార్టీ సమావేశంలో జోస్యం చెప్పారు. ‘కాంగ్రెస్ ప్రజల్ని మభ్యపెట్టి గెలిచింది. ఆ పార్టీ నిరంకుశ, అప్రజాస్వామిక విధానాల కారణంగా ధర్నాలు, నిరసనలతో రాష్ట్రం అట్టుడుకుతోంది’ అని విమర్శించారు.
Similar News
News February 19, 2025
KCR పగటి కలలు కంటున్నారు: మంత్రి

TG: రాష్ట్రంలో మళ్లీ అధికారంలోకి వస్తామని <<15513169>>KCR<<>> పగటి కలలు కంటున్నారని మంత్రి పొంగులేటి శ్రీనివాస్ రెడ్డి అన్నారు. 14 నెలలుగా అజ్ఞాతంలో ఉన్న ఆయనకు కాంగ్రెస్ ప్రభుత్వం చేస్తున్న అభివృద్ధి ఎలా కనపడుతుందని ప్రశ్నించారు. ‘KCRకు ఎన్నికలప్పుడు మాత్రమే ప్రజలు గుర్తుకొస్తారు. ప్రజలు కష్టపడి ప్రతిపక్షంలో కూర్చోబెడితే ప్రజా తీర్పును గౌరవించలేదు. అసెంబ్లీ వైపు రాలేదు’ అని విమర్శించారు.
News February 19, 2025
రాష్ట్రంలో రానున్న 2, 3 రోజుల్లో చిరుజల్లులు

TG: గాలిలో అనిశ్చితి కారణంగా రాబోయే 2, 3 రోజుల్లో రాష్ట్రంలోని పలు ప్రాంతాల్లో వాన జల్లులు కురిసే అవకాశం ఉందని హైదరాబాద్ వాతావరణ కేంద్రం తెలిపింది. రెండు రోజులుగా ఉష్ణోగ్రతలు తగ్గుముఖం పట్టినట్లు పేర్కొంది. సాధారణం కన్నా ఒకటి, రెండు డిగ్రీలు మాత్రమే అధికంగా ఉష్ణోగ్రతలు నమోదవుతున్నట్లు వెల్లడించింది. మార్చి, ఏప్రిల్ నెలల్లో ఉష్ణోగ్రతలు పెరగడం వల్ల ఉక్కపోత ఉండే అవకాశం ఉందని అంచనా వేసింది.
News February 19, 2025
సెంచరీలతో చెలరేగిన NZ బ్యాటర్లు.. పాక్ టార్గెట్ ఎంతంటే?

ఛాంపియన్స్ ట్రోఫీ తొలి మ్యాచ్లో పాక్పై న్యూజిలాండ్ బ్యాటర్లు అదరగొట్టారు. ఓపెనర్ విల్ యంగ్(107), టామ్ లాథమ్(118*) సెంచరీలతో చెలరేగారు. వీరికి తోడు ఆల్రౌండర్ ఫిలిప్స్(61) అర్ధ సెంచరీతో రాణించడంతో NZ 320/5 స్కోర్ చేసింది. కాన్వే 10, విలియమ్సన్ 1, మిచెల్ 10 పరుగులు చేశారు. పాక్ బౌలర్లలో నసీమ్ షా, హరీస్ రౌఫ్ తలో రెండు, అబ్రార్ ఒక వికెట్ తీశారు. హరీస్ రౌఫ్ 10 ఓవర్లలో 83 పరుగులు సమర్పించుకున్నారు.