News April 30, 2024
IIT ఖరగ్పూర్: 33% మందికి రాని ఉద్యోగాలు!
ఐఐటీల్లో చదివితే రూ.లక్షల ప్యాకేజీతో కొలువులు సొంతం అనే మాట వింటూ ఉంటాం. ఇందుకు భిన్నంగా IIT ఖరగ్పూర్కు సంబంధించి ఆసక్తికర విషయం వెలుగు చూసింది. 2022-23 విద్యా సంవత్సరంలో 33% మంది విద్యార్థులకు ఉద్యోగాలు రాలేదట. 2,490 మంది ప్లేస్మెంట్స్ కోసం దరఖాస్తు చేస్తే 1,675 మందికే కొలువులు దక్కాయి. 2021-22లో 2,256 మందికి గాను 1,615 మందికి ఉద్యోగాలొచ్చాయి. సగటు వేతనం రూ.16లక్షల నుంచి రూ.18లక్షలుగా ఉంది.
Similar News
News December 1, 2025
చలికాలం స్వెటరు వేసుకుని పడుకుంటున్నారా?
చలికాలం కొందరు స్వెటరు వేసుకుని పడుకుంటారు. అయితే దానికి బదులు కాటన్, లెనిన్, బ్రీతబుల్ దుస్తులు మంచివని నిపుణులు సూచిస్తున్నారు. ‘స్వెటరే వేసుకోవాలి అనుకుంటే టైట్గా ఉండేది వద్దు. దాంతో బ్లడ్ సర్క్యూలేషన్ సరిగ్గా జరగదు. కాస్త లూజ్గా, పొడిగా, బ్రీతబుల్, శుభ్రంగా ఉండేది వేసుకోండి. వింటర్లో కాళ్లకు సాక్సులు వేసుకుంటే నిద్ర బాగా పడుతుంది. అవి కూడా శుభ్రంగా, కాస్త లూజ్గా ఉండాలి’ అని చెబుతున్నారు.
News December 1, 2025
GHMCలో 27 మున్సిపాలిటీల విలీనం.. గవర్నర్ గ్రీన్ సిగ్నల్
TG: గ్రేటర్ హైదరాబాద్ మున్సిపల్ కార్పొరేషన్(GHMC)లో 27 మున్సిపాలిటీలు, కార్పొరేషన్ల విలీనంపై ముందడుగు పడింది. ప్రభుత్వం తీసుకున్న ఆర్డినెన్స్కు గవర్నర్ జిష్ణుదేవ్ ఆమోదం తెలిపారు. దీంతో ప్రభుత్వం త్వరలోనే గెజిట్ జారీ చేయనుంది. కాగా <<18393033>>ఈ విస్తరణతో<<>> 2,735 చదరపు కి.మీతో దేశంలోనే అతిపెద్ద నగరంగా హైదరాబాద్ అవతరించనుంది.
News December 1, 2025
రేపు స్కూళ్లకు సెలవు ఉందా?
AP: దిత్వా తుఫాను హెచ్చరికల నేపథ్యంలో ఇవాళ తిరుపతి, కడప, నెల్లూరు, అన్నమయ్య జిల్లాల్లోని స్కూళ్లు, కాలేజీలకు సెలవులిచ్చారు. అయితే తుఫాను బలహీనపడటంతో రేపటికి ఎలాంటి సెలవు ప్రకటనలు వెలువడలేదు. దీంతో యథావిధిగా విద్యాసంస్థలు కొనసాగనున్నాయి. తమిళనాడులో భారీ వర్షాలు కొనసాగుతుండటంతో చెన్నై, తిరువళ్లూరు, చెంగల్పట్టు జిల్లాల్లో స్కూళ్లకు సెలవు ప్రకటించారు. పలు యూనివర్సిటీల పరీక్షలను వాయిదా వేశారు.