News June 11, 2024
పాక్ ఓటమికి ఇమాద్ బ్యాటింగే కారణం: మాజీ కెప్టెన్
భారత్ అద్భుత బౌలింగ్‌తోపాటు పాక్ బ్యాటర్ల తప్పిదాల వల్లే తమ జట్టు ఓడిపోయిందని మాజీ కెప్టెన్ సలీమ్ మాలిక్ అభిప్రాయపడ్డారు. కీలక సమయంలో బ్యాటింగ్‌కు వచ్చిన వసీమ్ ఇమాద్ 23 బంతుల్లో 15 రన్స్ చేయడం కూడా ఓ కారణమన్నారు. దూకుడుగా ఆడాల్సి ఉన్నా అతను బంతులను వృథా చేశారని విమర్శించారు. కెప్టెన్ బాబర్‌తో ఆటగాళ్లకు సమస్య ఉన్నట్లుందని, అది జట్టుపై ప్రభావం చూపుతోందని మాజీ క్రికెటర్ షాహిద్ అఫ్రీది చెప్పారు.
Similar News
News September 11, 2025
OTT డీల్స్‌తో బడ్జెట్ రికవరీ!
రిషబ్ శెట్టి స్వీయ దర్శకత్వంలో తెరకెక్కిన ‘కాంతార చాప్టర్ 1’ సినిమాపై భారీ అంచనాలున్నాయి. ఈక్రమంలో ఓటీటీ రైట్స్‌ను భారీ మొత్తానికి ‘అమెజాన్ ప్రైమ్ వీడియో’ దక్కించుకుంది. ఏకంగా రూ.125కోట్లకు అన్ని భాషల స్ట్రీమింగ్ హక్కులు పొందినట్లు టాక్. అలాగే నందమూరి బాలకృష్ణ ‘అఖండ-2’ క్రేజ్‌ను వాడుకునేందుకు నెట్‌ఫ్లిక్స్ ₹80కోట్లకు స్ట్రీమింగ్ హక్కులు కొన్నట్లు తెలుస్తోంది. ఈ డీల్‌తో బడ్జెట్‌లో 80% వచ్చేసిందట.
News September 11, 2025
పవన్ బాపట్ల పర్యటన రద్దు
AP: డిప్యూటీ సీఎం పవన్ కళ్యాణ్ బాపట్ల జిల్లా పర్యటన రద్దయింది. జిల్లాలో పిడుగులతో కూడిన వర్షాలు పడే అవకాశం ఉందని వాతావరణ శాఖ ఇప్పటికే హెచ్చరించింది. వాతావరణం అనుకూలించకపోవడంతో పవన్ ప్రయాణించాల్సిన హెలికాప్టర్‌కు అధికారులు అనుమతి నిరాకరించారు. దీంతో చివరి నిమిషంలో ఆయన తన పర్యటనను రద్దు చేసుకున్నారు.
News September 11, 2025
నిజమైన ‘శ్రీమంతుడు’!
మల్టీ మిలియనీర్ అనంత్ అంబానీ మంచి మనసు చాటుకున్నారు. పంజాబ్ వరదల్లో సర్వం కోల్పోయిన ప్రజలకు సాయం చేసేందుకు ముందుకొచ్చారు. రిలయన్స్ ఫౌండేషన్, వనతారా ఫౌండేషన్ ద్వారా 10వేల కుటుంబాలకు పోషకాహారంతో కూడిన రేషన్ కిట్‌లు అందించారు. ఒంటరి మహిళలు & వృద్ధులు ఉంటే రూ.5వేలు పంపిణీ చేశారు. అలాగే పశువులకు వైద్యం అందించి మెడిసిన్స్, ఫుడ్స్ ఇస్తున్న అనంత్ నిజమైన శ్రీమంతుడు అని నెటిజన్లు ప్రశంసిస్తున్నారు.